سوزِ دل چاہیے ‘ چشمِ نم چاہیے اور شوقِ طلب معتبر چاہیے
ہوں میسر مدینے کی گلیاں اگر ‘ آنکھ کافی نہیں ہے نظر چاہیے
Soz-e-dil chahiye ' chashm-e-nam chahiye aur shauq-e-talab mo' tabar chahiye
Hon mayasar madine ki galliyan agar ' aankh kafi nahi hai nazar chahiye
انکی محفل کے آداب کچھ اور ہیں ‘ لب کشائی کی جراءت مناسب نہیں
ان کی سرکار میں التجا کے لئے جنبشِ لب نہیں ‘ چشمِ تر چاہیے
Unki mehfil ke adaab kuch aur hain ' lab kushai ki jurat munasib nahi
Unki sarkar mein iltija ke liye junbush-e-lab nahi ' chashm-e-tar chahiye
اپنی روداد غم میں سناؤں کسے ‘ میرے دکھ کو کوئی اور سمجھے گا کیا ؟
جس کی خاک قدم بھی ہے خاکِ شفا میرے زخموں کو وہ چارہ گر چاہیے
Apni rudad gham mein sunaon kise ' mere dukh ko koi aur samjhe ga kya?
Jis ki khaak-e-kadam bhi hai khaak-e-shifa mere zakhmon ko woh charagar chahiye
رونقیں زندگی کی بہت دیکھ لیں ‘ اب میں آنکھوں کا اپنی کروں گا بھی کیا
اب نہ کچھ دیدنی ہے ‘ نہ کچھ گفتنی ‘ مجھ کو آقاﷺ کی بس اک نظر چاہیے
Ronqain zindagi ki bohot dekh lein ' ab mein aankhon ka apni karunga bhi kya
Ab na kuch deedni hai ' na kuch guftani ' mujhko aqaﷺ ki bas ek nazar chahiye
میں گدائے دَرِ شاہِ کونین ﷺ ہوں ‘ شیش محلوں کی مجھ کو تمنا نہیں
ہو میّسر زمیں پر کہ زیرِ زمیں ‘ مجھ کو طیبہ میں اک اپنا گھر چاہیے
Mein gada-e-dar-e-shah-e-konain ﷺ hon ' sheesh mehlon ki mujhko tamanna nahi
Ho mayasar zameen par keh zair-e-zameen ' mujhko Tayba mein ek apna ghar chahiye
ان نئے راستوں کی نئی روشنی ہم کو راس آئی ہے اور نہ راس آئے گی
ہم کو کھوئی ہوئی روشنی چاہیئے ‘ ہم کو آئینِ خیر البشر ﷺ چاہیئے
In naye raston ki nai roshni hum ko raas aayi hai aur na raas aaye gi
Hum ko khoi hui roshni chahiye ' hum ko aain-e-khair-ulbashar ﷺ chahiye
گوشہ گوشہ مدینے کا پُر نور ہے ‘ سارا ماحول جلووں سے معمور ہے
شر ط یہ ہے کہ ظرفِ نظر چاہیے ‘ دیکھنے کو کوئی دیدہ ور چاہیے
Gosha gosh madine ka pur noor hai ' sara mahol jalwon se maamoor hai
Shart ye hai keh zarf-e-nazar chahiye ' dekhne ko koi deedawar chahiye
مدحتِ شاہِ کون و مکاں کے لئے صرف لفظ و بیاں کا سہارا نہ لو
فنِ شعری ہے اقبؔال اپنی جگہ‘ نعت کہنے کو خونِ جگر چاہیے
Madhat-e-shah-e-kon o makan ke liye sirf lafz o bayan ka sahara na lo
Fann-e-shairi hai Iqbal apni jagah ' naat kehne ko khoon-e-jigar chahiye
Share This Naat
Share with friends and family
سوزِ دل چاہیے ‘ چشمِ نم چاہیے اور شوقِ طلب معتبر چاہیے
پروفیسراقبال عظیم