سوہنے نبی لج پال کریماں تیریاں دھماں چار چوفیرے
جبرائیل جئے تیرے چاکر دو جگ آقا منگتے تیرے
Sohne Nabi Lajpal Karimaan teriyaan dhamaan chaar chaufere
Jibrael jiye tere chaakar do jug aaqa mangte tere
دو جگ دا سلطان وی توں ایں میرا مان تران وی توں ایں
تیرے جیہا مینوں ہور نہ کوئی میں ورگے تینوں ہور بتھیرے
Do jug da sulṭan vi tu ain mera maan taraan vi tu ain
Tere jeha mainu hor na koi main varge tenu hor batheere
عرش تے جاون والیا آجا عرض کراں ایہ رات دنے
میرے دل دی جھوک وسا جا وسدے رہن سخی دے ڈیرے
Arsh te jawan waliya aaja arz karaan eh raat dane
Mere dil di jhok wasaa ja vasde rehan sakhi de dere
مل کے بہہ جانی آں راہواں پچھاں اوندیاں جاندیاں توں
اون گیاں کدی تیریاں خبراں بولے گا کدی کاگ بنیرے
Mil ke beh jaani aan raahwaan pichaan ondiyaan jaandiyaan tu
On giyan kadi teriyaan khabran bole ga kadi kaag meneray
میرا کوئی وس نہ چلے کر کر ہلے غم آون
تیری یاد دے پھڑ کے پلے یاد کراں تینوں شام سویرے
Mera koi was na chale kar kar hale gham aawan
Teri yaad de phar ke pale yaad karaa tennu shaam soere
تیرے در تے کیویں آواں دور وسنیدیا محبوبا
جے کر تیریاں ہون عطاواں آن لواں روضے دے پھیرے
Tere dar te kiween aawaan door wasneediya mahbooba
Je kar teriyaan hon ataawaan aan lawaan rozay de phere
جے کر مینوں کول بلاویں مک جاون سب روگ شہا
تینوں بخشیاں رب توفیقاں لیکھ جگا دے سوہنیاں میرے
Je kar mainu kol bulawein muk jawan sab rog shaha
Tennu bakhshiyaan Rab tofeeqaan lekh jaga de sohnia mere
میں کی ہاں کی میری حقیقت تیریاں کرم نوازیاں نیں
مینوں سکھ دا ساہ نہ آوے جیکر کرم نہ ہوون تیرے
Main ki aan ki meri haqeeqat teriyaan karam nawaziyan neen
Mainu sukh da saah na aave jika karan na hovan tere
جے سوہنے دی نظر ہو جاوے میں ککھ وی ہاں لکھ ورگا
اک کوڈی وی مل نئیں میرا جے اوہ سوہنا نظراں پھیرے
Je sohne di nazar ho jaave main kakh vi aan lakh wargaa
Ik kodi vi mil naeen mera je oh sohna nazaraan phere
کنیاں کرم نوازیاں ہویاں تیرے ایس نیازی تے
میرے کولوں گن نئیں ہندے جو احسان میرے تے تیرے
Kiniyaan karam nawaziyan hoyaan tere es Niazi te
Mere kolon gan naeen honday jo ahsaan mere te tere
Share This Naat
Share with friends and family
سوہنے نبی لج پال کریماں تیریاں دھماں چار چوفیرے
عبدالستار نیازی