شکر ہے آپؐ کا آستاں مِل گیا
زندگی دھوپ تھی، سائباں مل گیا
Shukr hai aapؐ ka aastan mil gaya
Zindagi dhoop thi, saayban mil gaya
اُن کی دہلیز کو چوم کر جب اُٹھے
اِک اندھیرے میں روشن جہاں مل گیا
Un ki dehleez ko choom kar jab uthay
Ik andheray mein roshan jahan mil gaya
ذکرِ خیر الوریٰؐ سے ملیں برکتیں
رحمتوں کا صلہ بے کراں مل گیا
Zikr-e-khair-ul-waraؐ se milein barkatein
Rehmaton ka silaa be kraan mil gaya
فکر و دانش نے پائی نئی روشنی
علم و حکمت کو تازہ جہاں مل گیا
Fikr o danish ne payi nai roshni
Ilm o hikmat ko taaza jahan mil gaya
لمحہ لمحہ زمانے کا کہنے لگا
باعثِ رونقِ دو جہاں مل گیا
Lamha lamha zamane ka kehne laga
Baais-e-ronaq-e-do jahan mil gaya
شکرِ ربُّ العلیٰ کیوں نہ فیضیؔ کریں
مصطفیؐ سا ہمیں مہرباں مل گیا
Shukr-e-Rabb-ul-aala kyun na Faiziؔ karain
Mustafaؐ sa humein mehrban mil gaya
Share This Naat
Share with friends and family
شکر ہے آپؐ کا آستاں مِل گیا
اسلم فیضی