شکرِ خالق کس طرح سے ہو ادا
اِک زباں اور نعمتیں بے اِنتہا
Shukr-e-Khaliq kis tarah se ho ada
Ik zuban aur nemten be inteha
پھر زباں بھی کس کی مجھ ناچیز کی
وہ بھی کیسی جس کو عصیاں کا مزا
Phir zuban bhi kis ki mujh nacheez ki
Woh bhi kaisi jis ko asyan ka maza
اے خدا کیونکر لکھوں تیری صفت
اے خدا کیونکر کہوں تیری ثنا
Ae Khuda kyun kar likhooN teri sifat
Ae Khuda kyun kar kahoon teri sana
گننے والے گنتیاں محدود ہیں
تیرے اَلطاف و کرم بے اِنتہا
Ginne wale gintiyan mehdood hain
Tere altaaf o karam be inteha
سب سے بڑھ کر فضل تیرا اے کریم
ہے وُجودِ اَقدسِ خیرالورا
Sab se barh kar fazl tera ae Kareem
Hai wujood-e-akdas-e-khairul wara
ہر کرم کی وجہ یہ فضل عظیم
صدقہ ہیں سب نعمتیں اس فضل کا
Har karam ki wajah ye fazl azeem
Sadaqa hain sab nematein is fazl ka
فضل اور پھر وہ بھی ایسا شاندار
جس پہ سب اَفضال کا ہے خاتما
Fazl aur phir woh bhi aisa shaandar
Jis pe sab afzaal ka hai khatama
اولیا اس کے کرم سے خاصِ حق
انبیا اس کی عطا سے انبیا
Auliya is ke karam se khaas-e-Haq
Anbiya is ki ata se anbiya
خود کرم بھی خود کرم کی وجہ بھی
خود عطا خود باعث جود و عطا
Khud karam bhi khud karam ki wajah bhi
Khud ata khud bais jood o ata
اس کرم پر اس عطا و جود پر
ایک میری جان کیا عالم فدا
Is karam par is ata o jood par
Ek meri jaan kya aalam fida
کردے اِک نم سے جہاں سیرابِ فیض
جوش زن چشمہ کرم کے میم کا
Karde ik nam se jahan seyrab-e-faiz
Josh zan chashma karam ke meem ka
جان کہنا مبتذل تشبیہ ہے
اللہ اللہ اس کے دامن کی ہوا
Jaan kehna mubtazal tashbih hai
Allah Allah is ke daman ki hawa
جان دی مردوں کو عیسیٰ نے اگر
اس نے خود عیسیٰ کو زندہ کردیا
Jaan dee mardon ko Eesa ne agar
Usne khud Eesa ko zinda kar diya
بے سبب اس کی عطائیں بے شمار
بے غرض اس کے کرم بے اِنتہا
Be sabab is ki atayein be shumaar
Be gharz is ke karam be inteha
بادشا ہو یا گدا ہو کوئی ہو
سب کو اس سرکار سے صدقہ ملا
Badsha ho ya gada ho koi ho
Sab ko is sarkar se sadaqa mila
سب نے اس دَر سے مرادیں پائی ہیں
اور اسی دَر سے ملیں گی دائما
Sab ne is dar se muraden payi hain
Aur isi dar se mileN ge daima
جود دریا دل کے صدقہ سے بڑھے
بڑھتے بادل کو گھٹا کہنا خطا
Jood dariya dil ke sadaqa se barhe
Barhte badal ko ghata kehna khata
مَن رَّٰانِیْ والے رُخ نے بھیک دی
کیوں نہ گلشن کی صفت ہو دِلکشا
Man ra aani wale rukh ne bheek di
Kyun na gulshan ki sifat ho dilkasha
جلوۂ پائے منور کے نثار
مہر و مہ کو کتنا اُونچا کردیا
Jalwa-e-paye munawwar ke nisaar
Mehr o mah ko kitna ooncha kar diya
اپنے بندوں کو خدائے پاک نے
اس کے صدقے میں دیا جو کچھ دیا
Apne bandon ko Khudaye Pak ne
Is ke sadaqe mein diya jo kuch diya
مصطفیٰ کا فضل ہے مسرور ہیں
نعمتِ تازہ سے عبدالمصطفیٰ
Mustafa ka fazl hai masroor hain
Nemate taaza se Abd al-Mustafa
عالم دیں مقتدائے اہل حق
سنیوں کے پیشوا احمد رضا
Aalam deen muqtada-e-ahl-e-Haq
SunniyoN ke peshwa Ahmad Raza
فضل حق سے ہیں فقیر قادری
اس فقیری نے اُنہیں سب کچھ دیا
Fazl-e-Haq se hain faqeer Qadri
Is faqiri ne unhein sab kuch diya
لخت دِل حامد میاں کو شکر ہے
حق نے بیٹا بخشا جیتا جاگتا
Lakht-e-dil Hamid Miyan ko shukr hai
Haq ne beta bakhsha jeeta jagta
میں دعا کرتا ہوں اب اللہ سے
اور دعا بھی وہ جو ہے دل کی دعا
Main dua karta hoon ab Allah se
Aur dua bhi woh jo hai dil ki dua
واسطہ دیتا ہوں میں تیرا تجھے
اے خدا اَز فضل تو حاجت روا
Wasta deta hoon main tera tujhe
Ae Khuda az fazl tu haajat rawa
عافیت سے قبلہ و کعبہ رہیں
ہم غلاموں کے سروں پر دائما
Aafiyat se Qibla o Ka'ba rahein
Hum ghulamon ke suron par daima
دولت کونین سے ہوں بہرہ وَر
اَخِّ اعظم مصطفے حامد رضا
Dolat-e-kaunain se hoon behra war
Akhi-e-Azam Mustafa Hamid Raza
نعمتِ تازہ کو دے وہ نعمتیں
کیں جو تو نے خاص بندوں کو عطا
Nemate taaza ko de woh nematein
Kin jo tu ne khaas bandon ko ata
دوست اُن سب کے رہیں آباد و شاد
دشمن بدخواہ غم میں مبتلا
Dost un sab ke raheN aabaad o shaad
Dushman badkhwah gham mein mubtala
آفریں طبع رواں کو اے حسنؔ
قطعہ لکھنا تھا قصیدہ ہوگیا
Afrin tab-a-ravaan ko ae Hasan
Qata likhna tha qaseeda ho gaya
سن ولادت کے دعائیہ لکھو
علم و عمر اِقبال و طالع دے خدا
San-e-wiladat ke dua'iya likho
Ilm o umr iqbal o taali de Khuda
۲۵ ۱۳ھ
25 13H
Share This Naat
Share with friends and family
شکرِ خالق کس طرح سے ہو ادا
حسن رضا خان