شَرَف دے حج کامجھے میرے کبریا یارب
روانہ سُوئے مدینہ ہو قافِلہ یارب
Sharaf de hij ka mujhe mere kibriya Yarabb
Rawana suwaye Madina ho qaafila Yarabb
دکھا دے ایک جھلک سبز سبز گنبد کی
بس اُن کے جلووں میں آجائے پھر قضا یارب
Dikha de aik jhalak sabz sabz gumbad ki
Bas un ke jhalwon mein ajaye phir qaza Yarabb
مدینے جائیں پھر آئیں دوبارہ پھر جائیں
اِسی میں عمر گزر جائے یاخدا یارب
Madine jayein phir ayein dobara phir jayein
Isi mein umr guzar jaye yakhuda Yarabb
مِرا ہو گنبدِ خَضرا کی ٹھنڈی چھاؤں میں
رسولِ پاک کے قدموں میں خاتِمہ یارب
Mera ho gumbad-e-khazra ki thandi chaoon mein
Rasool-e-pak ke qadamoun mein khatima Yarabb
بَوقتِ نَزع سلامت رہے مِرا ایماں
مجھے نصیب ہو توبہ ہے التجا یارب
Ba waqt-e-naaz salamat rahe mera imaan
Mujhe naseeb ho toba hai iltija Yarabb
جو ’’دیں کا کام‘‘ کریں دل لگا کے یااللہ
اُنہیں ہو خواب میں دیدارِ مصطَفٰے یارب
Jo "deen ka kaam" karein dil laga ke ya Allah
Unhein ho khwab mein deedaar-e-Mustafa Yarabb
تِری مَحَبَّت اُتر جائے میری نَس نَس میں
پئے رضا ہو عطا عِشقِ مصطفٰے یارب
Teri mohabbat utar jaye meri nas nas mein
Paye raza ho aata ishq-e-Mustafa Yarabb
زمانے بھر میں مچا دیں گے دھوم سنّت کی
اگر کرم نے ترے ساتھ دیدیا یارب
Zamane bhar mein macha dein ge dhoom sunnat ki
Agar karam ne tere sath dedia Yarabb
نَماز و روزہ وحَجّ و زکوٰۃ کی توفیق
عطا ہو اُمّتِ محبوب کوسدا یارب
Namaz o roza wo haj-o-zakaat ki taufiq
Aata ho ummat-e-mehboob ko sada Yarabb
جواب قبر میں منکَر نکیر کو دوں گا
ترے کرم سے اگر حوصَلہ ملا یارب
Jawab qabr mein munkir nakeer ko doon ga
Tere karam se agar hausla mila Yarabb
بروزِ حشر چھلکتا سا جام کوثر کا
بدستِ ساقیِٔ کوثر ہمیں پلا یارب
Beroz-e-hashr chhalakta sa jaam kausar ka
Badaste saqi-e-kausar humein pila Yarabb
بقیعِ پاک میں عطارؔ دَفن ہو جائے
برائے غوث و رضا از پئے ضِیا یارب
Baqi-e-pak mein Attar dafn ho jaye
Baraye Ghaus o Raza az paye ziya Yarabb
Share This Naat
Share with friends and family
شَرَف دے حج کامجھے میرے کبریا یارب
الیاس عطار قادری