شاخِ ارمان درِ نور سے لف دیکھتے ہیں
غمزدہ لوگ مدینے کی طرف دیکھتے ہیں
Shaakh-e-arman dar-e-noor se laf dekhte hain
Ghamzada log Madeene ki taraf dekhte hain
اپنی خوش فہمیِ طلعت پہ ہوئے خوب خجل
مہر و مہ جب ترے تلووں کی طرف دیکھتے ہیں
Apni khush fehmi-e-tal'at pe hue khoob khajal
Mahr o mah jab tere talwon ki taraf dekhte hain
تشنہ لب بھول گئے پیاس کی شدت یکسر
حوض پر آپ کو جب جام بکف دیکھتے ہیں
Tishna lab bhool gaye pyaas ki shiddat yaksar
Hauz par aap ko jab jaam bakaf dekhte hain
شاہِ والا کو خبر ہے مری بے تابی کی
وہ تو سینے میں دھڑکتا ہوا دف دیکھتے ہیں
Shah-e-wala ko khabar hai meri be-taabi ki
Woh to seene mein dhadakta hua daf dekhte hain
اس کے دیدار سے رہتی ہے ہری شاخِ مراد
رنگ و نکہت کے لئے سبز صدف دیکھتے ہیں
Is ke deedaar se rehati hai hari shaakh-e-muraad
Rang o nakhat ke liye sabz sadaf dekhte hain
اس کو زر ناب بنا دیتے ہیں پارس فطرت
اپنے قدمین میں جب کوئی خذف دیکھتے ہیں
Is ko zar-e-naab bana dete hain paaras fitrat
Apne qadmain mein jab koi khazaf dekhte hain
لوگ ناعت کا لقب دیتے ہیں اشفاق تجھے
جب ترا مدحتِ سرور سے شغف دیکھتے ہیں
Log na'at ka laqab dete hain Ashfaq tujhe
Jab tera madah-e-sarwar se shughaf dekhte hain
Share This Naat
Share with friends and family
شاخِ ارمان درِ نور سے لف دیکھتے ہیں
اشفاق احمد غوری