شہر مکہ بھی شہر کیسا تھا
کچھ انوکھا سا اور یکتا تھا
Sheher Makka bhi sheher kaisa tha
Kuch anokha sa aur yakta tha
دُور صحرا میں اِک الائو تھا
اہلِ باطل کا یہ پڑائو تھا
Door sahra mein ik alaao tha
Ahl-e-batil ka yeh parao tha
کوئی پانی نہ کوئی دانہ تھا
جلتا صحرا فقط ٹھکانہ تھا
Koi pani na koi dana tha
Jalta sahra faqat thikana tha
ہر طرف ظلم کے بسیرے تھے
روح میں تیرتے اندھیرے تھے
Har taraf zulm ke basire the
Rooh mein teerte andhere the
جا بہ جا ظلمتوں کا پھیرا تھا
کتنا سفّاک ہر سویرا تھا
Ja ba ja zulmaton ka pher tha
Kitna safaak har sawera tha
کتنا ارزاں تھا آدمی کا لہو
قتل و غارت کا راج تھا ہر سُو
Kitna arzaan tha aadmi ka lahoo
Qatl o gharat ka raj tha har soo
گھر خدا کا بتوں کا مسکن تھا
خوں میں ڈوبا ہر ایک آنگن تھا
Ghar Khuda ka buton ka maskan tha
Khoon mein dooba har aik aangan tha
بربرّیت کے ناگ پلتے تھے
کاہنوں کے ہی وار چلتے تھے
Barbariyat ke naag palte the
Kahinon ke hi waar chalte the
بس یہی اُن کی پارسائی تھی
بُت پرستی تھی بے حیائی تھی
Bas yahi un ki parsai thi
But parasti thi be-hayai thi
پھر خدا نے کرم یہ فرمایا
ابرِ رحمت کا کر دیا سایا
Phir Khuda ne karam yeh farmaya
Abr-e-rehmat ka kar diya saya
اپنے گھر کو حرم بنانا تھا
ذکرِ توحید سے سجانا تھا
Apne ghar ko haram banan tha
Zikr-e-tauheed se sajana tha
اپنے پیارے حبیبؐ کو بھیجا
رحمتوں کے نقیب کو بھیجا
Apne pyare Habib (S.A.W.) ko bheja
Rehmaton ke naqib ko bheja
آپؐ آئے تو زندگی سنوری
زندگی کیا کہ بندگی سنوری
Aap (S.A.W.) aaye to zindagi sunwari
Zindagi kya ke bandagi sunwari
کیا کرم کی نظر یہ فرمائی
پوری اُمّت کی بات بَن آئی
Kya karam ki nazar yeh farmai
Poora ummat ki baat ban aai
رحمتوں کا نزول ہونے لگا
کفر کا دِل ملول ہونے لگا
Rehmaton ka nazool hone laga
Kufr ka dil malool hone laga
تیِرہ بختوں میں آفتاب کھِلے
قریہ قریہ حسیں گلاب کھِلے
Teerah bakhton mein aaftaab khile
Qariya qariya haseen gulaab khile
Share This Naat
Share with friends and family
شہر مکہ بھی شہر کیسا تھا
اسلم فیضی