میں ترے ناں دیاں دیواں صداواں یا رسول الله
میں او گنہار تے کرنا عطاواں یا رسول اللہ
Main tere naan diyaan dewaan sadawaan ya Rasool Allah
Main o gunahgaar te karna atawaan ya Rasool Allah
ترے ورگا کوئی سوہنا نہ آیا اے نہ آوے گا
میں نال ایمان دے مکدی مکاواں یا رسول الله
Tere warga koi sohna na aaya ae na aaway ga
Main naal imaan de mukdi mukawaan ya Rasool Allah
کدی تے لنھگدے لنھگدے جھات پاجاؤ مرے گھر وی
میں ہر ویلے کراں ایہ التجاواں یا رسول الله
Kadi te langhde langhde jhat pa jao mere ghar wi
Main har wele karaan eh iltijawaan ya Rasool Allah
کدی تے آؤ گے آقا تسیں مسکین دے گھر وی
میں ایسے آس تے گھر نوں سجاواں یا رسول اللہ
Kadi te aao ge aqaa tusein maskeen de ghar wi
Main aise aas te ghar noon sajawaan ya Rasool Allah
شہنشاہا ترے لائق تے نئیں کلی نمانے دی
جے آ جاویں تے میں خوشیاں مناواں یا رسول اللہ
Shehenshaha tere laayak te naein kali nimane di
Je aa jawain te main khushiyan manawaan ya Rasool Allah
کرم کر دے مدینے والیا صدقہ مدینے دا
ترے دربار دا میں وی گدا واں یا رسول الله
Karam kar de Madeene waliya sadqa Madeene da
Tere darbaar da main wi gada waan ya Rasool Allah
میں منگدا ہور کچھ وی نئیں مرے لیکھاں دیوچہ لکھ دے
مدینے والیاں ٹھنڈیاں ہواواں یا رسول اللہ
Main mangda hor kuch wi naein mere leekhan diwch likh de
Madeene waliyaan thandiyan hawaawaan ya Rasool Allah
ایہو ہے آرزو مری ایہو دل دی تمنا ایں
ترے دربار تے میں آواں جاواں یا رسول اللہ
Aeho hai aarzu mari aeho dil di tamana ae
Tere darbaar te main aawaan jawaan ya Rasool Allah
کوئی وی مڑیا نہیں خالی کریماں دے دروازے توں
تری محفل چوں میں نہ خالی جاواں یا رسول اللہ
Koi wi murya nahein khaali karimaan de darwaaze toon
Teri mehfil cho main naa khale jaawaan ya Rasool Allah
حیاتی دے دیہاڑے لنگھ جاون نال عزت دے
میں ہر ویلے ایہو منگاں دعاواں یا رسول اللہ
Hayaati de dhihaade langh jawan naal izzat de
Main har wele aeho mangan duawaan ya Rasool Allah
غماں دی دھپ کدھرے ساڑ نہ دیوے نیازی نوں
کرو رحمت دیاں میرے تے چھاواں یا رسول اللہ
Ghuman di dhup kidhre saar na deway Neazi noon
Karo rehmat diyaan mere te chhaawaan ya Rasool Allah
Share This Naat
Share with friends and family
میں ترے ناں دیاں دیواں صداواں یا رسول الله
عبدالستار نیازی