شاہِ خیبر شکن کی یاد آئی
پیشوائے زمن کی یاد آئی
Shah-e-Khyber Shikan ki yaad aayi
Peshwa-e-Zaman ki yaad aayi
جاں نثارِ رسولؐ ، زوجِ بتول
شیرِ حق ، بو الحسن کی یاد آئی
Jaan Nisar-e-Rasool (SAW), Zauj-e-Batool
Sher-e-Haq, Bo-ul-Hassan ki yaad aayi
وا کیے جس نے سینکڑوں عقدے
اس گل افشاں دہن کی یاد آئی
Wa kiye jis ne seinko(n) aqde
Us gul afshaan dahan ki yaad aayi
یاد آیا حنین کا نقشہ
دستِ شمشیر زن کی یاد آئی
Yaad aaya Hunain ka naqsha
Dast-e-Shamsheer zan ki yaad aayi
جس کو اپنا بدن نبیؐ نے کہا
اس مبارک بدن کی یاد آئی
Jis ko apna badan Nabi (SAW) ne kaha
Us mubarak badan ki yaad aayi
مسئلے جب امڈ امڈ آئے
بو ترابی چلن کی یاد آئی
Maslay jab amad amad aaye
Bo-Turabi chalan ki yaad aayi
جب جہالت کے دشت میں بھٹکے
حکمتوں کے چمن کی یاد آئی
Jab jahalat ke dasht mein bhatke
Hikmaton ke chaman ki yaad aayi
دل کو تسکین ہو گئی تائب ؔ
جس گھڑی پنجتن کی یاد آئی
Dil ko taskeen ho gayi Taib
Jis ghari Panjtan ki yaad aayi
Share This Naat
Share with friends and family
شاہِ خیبر شکن کی یاد آئی
حفیظ تائب