شافعِؐ روزِ محشر پہ لاکھوں سلام
ساقیٔ حوضِ کوثر پہ لاکھوں سلام
Shaafi-e roz-e mahshar pe laakhon salaam
Saaqi-e haud-e kausar pe laakhon salaam
سیِّد ُالانبیاء، خاتَم ُؐ المُرسَلیں
مالکِ بحر و بَر، شاہِؐ دُنیا و دیں
Sayyid-ul-ambiya, khaatam-ur-rusaleen
Maalik-e bahr o bar, shah-e dunya o deen
مظہر ِشانِ داوَر پہ لاکھوں سلام
شافعِؐ روز محشر پہ لاکھوں سلام
Mazhar-e shaan-e dawar pe laakhon salaam
Shaafi-e roz-e mahshar pe laakhon salaam
کفر کے شر سے جس نے بچایا ہمیں
دِین کے راستے پر لگایا ہمیں
Kufr ke shar se jis ne bachaya humein
Deen ke raste pe lagaya humein
ایسے پاکیزہ رہبر پہ لاکھوں سلام
شافعِؐ روزِ محشر پہ لاکھوں سلام
Aise paakiza rehbar pe laakhon salaam
Shaafi-e roz-e mahshar pe laakhon salaam
جس کی خاطر یہ دُنیا بسائی گئی
آب و گِل کی یہ محفل سجائی گئی
Jis ki khaatir ye duniya basayi gayi
Aab o gil ki ye mehfil sajayi gayi
اُس نبیؐ، نُور پیکر پہ لاکھوں سلام
شافعؐ ِروز محشر پہ لاکھوں سلام
Us nabi, noor paikar pe laakhon salaam
Shaafi-e roz-e mahshar pe laakhon salaam
وہ مدینے کی گلیوں کے شام و سحر
نُور سے جگمگاتے ہوئے بام و در
Wo madine ki galiyon ke shaam o sahar
Noor se jagmagaate hue baam o dar
جلوہ گاہِ پیمبرؐ پہ لاکھوں سلام
شافعؐ ِروزِ محشر پہ لاکھوں سلام
Jalwa gaah-e paimber pe laakhon salaam
Shaafi-e roz-e mahshar pe laakhon salaam
اہل ایماں پہ ہوگی جو سایہ فگن
ابرِ رحمت ہے ایک ایک جس کی شکن
Ahl-e imaan pe hogi jo saaya fagan
Abr-e rehmat hai ek ek jis ki shikan
ایسی زُلفِ مُعطّر پہ لاکھوں سلام
شافعِؐ روزِ محشر پہ لاکھوں سلام
Aise zulf-e muattar pe laakhon salaam
Shaafi-e roz-e mahshar pe laakhon salaam
چھاگئیں ہر طرف جس کی تابانیاں
نُور سے جس کے روشن ہیں کون و مکاں
Chha gayi har taraf jis ki taabaaniyan
Noor se jis ke roshan hain kaun o makaan
ایسے رُوئے منّور پہ لاکھوں سلام
شافعِؐ روزِ محشر پہ لاکھوں سلام
Aise rooye munawwar pe laakhon salaam
Shaafi-e roz-e mahshar pe laakhon salaam
حق نُما حق بیاں، حق زباں بھی وہی
اِذنِ اَللہ سے، غیب داں بھی وہی
Haq numa haq bayaan, haq zabaan bhi wahi
Izn-e Allah se, ghaib daan bhi wahi
عِلم کے شہرِ انور پہ لاکھوں سلام
شافعِؐ روزِ محشر پہ لاکھوں سلام
Ilm ke shehr-e anwar pe laakhon salaam
Shaafi-e roz-e mahshar pe laakhon salaam
جس کا بیٹا ہے محبوبِ ربُّ العُلیٰ
تاجدارِ حرم، سیّدُ الانبیاؑ
Jis ka beta hai mahboob-e Rabb-ul-ula
Taajdaar-e haram, Sayyidul anbiya
ایسی معصوم مادر پہ لاکھوں سلام
شافعِؐ روز ِمحشر پہ لاکھوں سلام
Aise masoom maadar pe laakhon salaam
Shaafi-e roz-e mahshar pe laakhon salaam
وہ خَدیجہؓ ہوں یا سیدہ عائشہؓ
سب مُطَہّر ہیں ازواجِ خیرالورٰی ؐ
Wo Khadija ho ya Sayyida Aisha
Sab muttahar hain azwaaj-e khairul wara
اہل بیتِؓ پیمبرؐ پہ لاکھوں سلام
شافعؐ ِروزِ محشر پہ لاکھوں سلام
Ahl-e bait-e paimber pe laakhon salaam
Shaafi-e roz-e mahshar pe laakhon salaam
ہاں! ابُو بکرؓ، فاروقؓ، عثماںؓ، علیؓ
سب خدا کے ولی ہیں، خَفِیّ و جلی
Haan! Abu Bakr, Farooq, Usman, Ali
Sab khuda ke wali hain, khafi o jali
چار یارانِ اکبر پہ لاکھوں سلام
شافعؐ ِروزِ محشر پہ لاکھوں سلام
Chaar yaran-e akbar pe laakhon salaam
Shaafi-e roz-e mahshar pe laakhon salaam
زیدؓ بن حارثہ، خادمِ خوش نَفَس
حضرتِ بُو ہریرہؓ، جنابِ اَنَسؓ
Zaid bin Haritha, khaadim-e khush nafas
Hazrat-e Bu Huraira, Janaab-e Anas
رُوحِ سَلمانؓ، وبُوذرؓ پہ لاکھوں سلام
شافعؐ ِروزِ محشر پہ لاکھوں سلام
Rooh-e Salman, wa Buzar pe laakhon salaam
Shaafi-e roz-e mahshar pe laakhon salaam
اخترانِ شبستانِ شاہِؐ زَمَن
فاطمہؓ، اُن کے بیٹے حُسینؓ و حسنؓ
Akhtaran-e shabistan-e shah-e zaman
Fatima, un ke bete Husain o Hasan
آپؐ کے اِس بھرے گھر پہ لاکھوں سلام
شافعِؐ روز ِمحشر پہ لاکھوں سلام
Aap ke is bhare ghar pe laakhon salaam
Shaafi-e roz-e mahshar pe laakhon salaam
غوثِ اعظمؓ ، شہنشاہِ مُلکِ بقا
پیر مہرؒ علی، مُرشِد و مُقتدٰی
Ghaus-e Azam, Shahenshah-e mulk-e baqa
Peer Meher Ali, Murshid o Muqtada
اِن کے انفاسِ اطہر پہ لاکھوں سلام
شافعؐ ِروزِ محشر پہ لاکھوں سلام
In ke anfaas-e athar pe laakhon salaam
Shaafi-e roz-e mahshar pe laakhon salaam
اولیاء و اِمامانِ دِینِ متیں
کُل شہیدانِ مّلت، کُل اقطابِ دِیں
Awliya o imaaman-e deen-e mateen
Kul shaheedan-e millat, kul aqtab-e deen
سب نُفوسِ مطّہر پہ لاکھوں سلام
شافعؐ ِروز ِمحشر پہ لاکھوں سلام
Sab nufoos-e muttahar pe laakhon salaam
Shaafi-e roz-e mahshar pe laakhon salaam
جان کر اُن کو آقائے درد آشنا
جو غُلامانہ آداب لائے بجا
Jaan kar un ko aaqaye dard aashna
Jo ghulamaana aadaab laaye baja
اے نصیرؔ! اُس سخنور پہ لاکھوں سلام
شافعؐ ِروزِ محشر پہ لاکھوں سلام
Ae Naseer! uss sakhanwar pe laakhon salaam
Shaafi-e roz-e mahshar pe laakhon salaam
Share This Naat
Share with friends and family
شافعِؐ روزِ محشر پہ لاکھوں سلام
سید نصیرالدیں نصیر