رات یہ رات کو خورشید بکف آئی ہے
نعمتِ حق لیے بندوں کی طرف آئی ہے
Raat ye raat ko khursheed bakaf aayi hai
Naimat-e-Haq liye bandon ki taraf aayi hai
رحمتیں جوش پہ ہیں بندہ نوازی کے لیے
تِیرگی آج مُصلّےٰ ہے نمازی کے لیے
Rehmaten josh pe hain banda nawazi ke liye
Tirgi aaj musallay hai namazi ke liye
شائع ہوتی ہے نصیبوں کی کتاب آج کی رات
پیش ہوتا ہے زمانے کا نصاب آج کی رات
Shaay ho rahi hai naseebon ki kitaab aaj ki raat
Paish hota hai zamane ka nisaab aaj ki raat
آج کی رات فرشتوں کو جو احکام مِلیں
سال بھر اُس کے مطابق غم و انعام مِلیں
Aaj ki raat farishton ko jo ehkaam milen
Saal bhar us ke mutabiq gham o inaam milen
دھڑکنیں بھی ہوں عطا ، سانّسیں بھی کاٹی جائیں
پرچیاں زندگی و مَوت کی کاٹی جائیں
Dharkanen bhi hoon ata, sansen bhi kati jaain
Parchiyan zindagi o maut ki kati jaain
تُو بھی کُچھ اپنے لیے اے تہی دامن کر لے
مسجدِ عمر کو سجدوں سے مزیّن کر لے
Tu bhi kuch apne liye ae tehi daaman kar le
Masjid-e-Umar ko sajdon se mazeen kar le
خاکِ دل ‘ خَیر کے جھونکوں سے ہری ہوتی ہے
معصیت ‘ عفوِ الٰہی سے بَری ہوتی ہے
Khaak-e-dil 'khair ke jhonkon se hari hoti hai
Ma'siat 'afu-e-Ilahi se bari hoti hai
ذہن و احساس کا دروازہ کُھلا رہنے دے
آج کی رات تو ہونٹوں پہ دُعا رہنے دے
Zehn o ehsas ka darwaza khula rehne de
Aaj ki raat tu honton pe dua rehne de
ساعتِ بے طلبی کب تِرے کام آئے گی
کام آئی تو یہی شب ترے کام آئے گی
Saa'at-e-bay talabi kab tere kaam aayegi
Kaam aayi to yehi shab tere kaam aayegi