شان ان کی ملک دیکھتے رہ گئے
دم بخود دیر تک دیکھتے رہ گئے
Shaan un ki malik dekhte reh gaye
dum bakhud der tak dekhte reh gaye
لامکاں کے مسافر کا عزّ و شرف
مہر و ماہ و فلک دیکھتے رہ گئے
La makaan ke musaafir ka izz o sharf
mehr o maah o falak dekhte reh gaye
دل نے سجدہ کیا سنگِ دربار پر
اشک زیرِ پلک دیکھتے رہ گئے
Dil ne sajda kiya sang-e-darbaar par
ashk zair-e-palak dekhte reh gaye
زائروں کی جبینوں پہ لکھی ہوئی
ایک نوری دمک دیکھتے رہ گئے
Zaairon ki jabinon pe likhi hui
ek noori damak dekhte reh gaye
جس سے گزرے تھے حاجی بڑی شان سے
ہم وہ خالی سڑک دیکھتے رہ گئے
Jis se guzre the haaji badi shaan se
hum wo khaali sarak dekhte reh gaye
مانگنے رنگ آئی تھی بارش کے دن
تیرے در پر دھنک دیکھتے رہ گئے
Maangne rang aayi thi baarish ke din
tere dar par dhanak dekhte reh gaye
رات دن گنبدِ سبز سے پھوٹتی
ایک پیاری چمک دیکھتے رہ گئے
Raat din gumbad-e-sabz se phoot'ti
ek pyari chamak dekhte reh gaye
Share This Naat
Share with friends and family
شان ان کی ملک دیکھتے رہ گئے
اشفاق احمد غوری