سیراب تجلّی میں مرے ترسے ہوئے نین، اے سیّد کونین
اک بار اٹھا دیجئے یہ پردہء مابین ، اے سیّد کونین
Sairaab tajalli mein mere tarse huye nain, ae syed e konain
Ek baar utha dijiye ye parda e mabain, ae syed e konain
مقصودِ طلب جانِ دعا، مصلحِ باطن ہر سانس کے محسن
سُر خابِ تواں ، خنکیِ جاں ، روشنیِ عین اے سیّد کونین
Maqsood e talab jaan e dua, musleh e baatin har saans ke mohsin
Surr khab e tawan, khunki e jaan, roshni e ayn ae syed e konain
ہیں آپکی تاریخِ رسالت کے نوشتے ، جن ہوں کہ فرشتے
اک آپ کی آوازِ قدم زیور ہر زین اے سیّد کونین
Hain aap ki tareekh e risalat ke noshhtay, jin hon ke farishtay
Ek aap ki awaaz e qadam zevar har zain ae syed e konain
دھرتی ہو کہ افلاک سبھی آپ کا آقاؐ مفتوحہ علاقہ
جغرافیہ گھر آپ کا ، دروازہ ہیں قطبین اے سیّد کونین
Dharti ho ke aflaq sabhi aap ka aqa (SAW) maftoha ilaqa
Jughrafiya ghar aap ka, darwaza hain qutbeen ae syed e konain
کر آئے سرِ عرش بھی دیدارِ الہٰی،آپؐ اس کی گواہی
لاریب کہ تنہا بھی ہیں مجموعہء نورین اے سیّد کونین
Kar aaye sar e arsh bhi deedar e ilahi, aap (SAW) us ki gawahi
Laraib ke tanha bhi hain majmooa e norein ae syed e konain
چمکے مری قسمت مری منزل مرا جادہ، ہیروں سے زیادہ
چومے جو مسلسل مرا سر آپ کے نعلین اے سیّد کونین
Chamke meri kismet meri manzil mera jada, heron se zyada
Choomay jo musalsal mera sar aap ke naalein ae syed e konain
اُتنے ہی فِدا ہیں دل و جاں تم پہ ہمارے جتنے تمہیں پیارے
چاروں خلفاء، اہل حرم، دختر و حسنین اے سیّد کونین
Utne hi fida hain dil o jaan tum pe hamare jitne tumhein pyare
Chaaron khulafa, ahl e haram, dokhtar o hasnain ae syed e konain
ہر وقت درودوں کا مظفر ہوا عادی، کچھ ایسی ہوا دی
جب تک نہ ہو یہ رابطہ ، آتا ہی نہیں چین اے سیّد کونین
Har waqt duroodon ka Muzaffar hua aadi, kuch aisi hawa di
Jab tak na ho ye rabta, aata hi nahi chain ae syed e konain
Share This Naat
Share with friends and family
سیراب تجلّی میں مرے ترسے
مظفر وارثی