Manqabat
سیّدِ دُنیا و دیں کی جانِ جاں ہیں سیّدہ
سیّدِ دُنیا و دیں کی جانِ جاں ہیں سیّدہ
سیّدہ خود اور دو سیّد کی ماں ہیں سیّدہ
Sayyid-e-dunya o deen ki jaan-e-jaan hain Sayyida
Sayyida khud aur do sayyid ki maa hain Sayyida
اس سے بڑھ کر اور کوئی اعزاز ہو سکتا نہیں
سیّد کونین کی آرام جاں ہیں سیّدہ
Is se barh kar aur koi aizaaz ho sakta nahi
Sayyid-e-Konain ki aaraam jaan hain Sayyida
سایہء قولِ الہٰی میں بقول عائشہ
سیّد کونین کا شرح و بیاں ہیں سیّدہ
Saaya-e-qoul-e-Ilaahi mein baqoul Ayesha
Sayyid-e-Konain ka sharh o bayan hain Sayyida
کل بھی دُکھیاروں کے دُکھ میں تھیں برابر کی شریک
آج بھی ہر بے اماں کو اک اماں ہیں سیّدہ
Kal bhi dukhyaron ke dukh mein thin barabar ki shareek
Aaj bhi har be-amaan ko ik amaan hain Sayyida
تا ابد باقی رہے گی آلِ پاک مصطفےٰ
کاروانِ روح کی روحِ رواں ہیں سیّدہ
Ta abad baqi rahegi Aal-e-paak Mustafa
Karwaan-e-rooh ki rooh-e-rawaan hain Sayyida
کَل بھی ہر فرماں ، صحابہ کو تھا وجہِ افتخار
آج بھی اہلِ یقیں پر حکمراں ہیں سیّدہ
Kal bhi har farmaan, sahaba ko tha wajah-e-iftekhaar
Aaj bhi ahl-e-yaqeen par hukmaraan hain Sayyida
فکر میں اپنی نہ کیوں ہو ہر سعادت کا سرور
روبرو اپنے صبیحِؔ خوش بیاں ہیں سیّدہ
Fikr mein apni na kyu ho har saadat ka saroor
Roobaru apne Sabeeh-e-khush bayan hain Sayyida
Share This Naat
Share with friends and family
سیّدِ دُنیا و دیں کی جانِ جاں ہیں سیّدہ
سید صبیح الدین صبیح رحمانی