سرکار کی الفت سے دمکتا ہی رہے گا
جو چہرۂ مومن ہے چمکتا ہی رہے گا
sarkar ki ulfat se damakta hi rehega
jo chehra-e-momin hai chamakta hi rehega
ہو جا ابھی وابستۂ دامانِ نبیؐ تو
جب وقت نکل جائے گا تکتا ہی رہے گا
ho ja abhi wabasta-e-daman-e-nabi (ﷺ) to
jab waqt nikal jae ga takta hi rehega
تو عشقِ پیمبر کا دیا دل میں جلالے
ورنہ یوں ہی تا عمر بھٹکتا ہی رہے گا
tu ishq-e-paimbar ka diya dil mein jalale
warna yun hi ta umar bhatkta hi rehega
جو ہے مرے سرکار کی عظمت کا مخالف
میلاد کی محفل سے بدکتا ہی رہے گا
jo hai mere sarkar ki azmat ka mukhalif
milad ki mehfil se badkta hi rehega
ہوسکتی نہیں ختم کبھی نعت کی خوشبو
گلہائے عقیدت ہے مہکتا ہی رہے گا
ho sakti nahi khatam kabhi naat ki khushbu
gulha-e-aqeeda hai mehakta hi rehega
سونی نہیں ہوگی کبھی سرکار کی محفل
جو بلبلِ طیبہ ہے چہکتا ہی رہے گا
sooni nahi hogi kabhi sarkar ki mehfil
jo bulbul-e-taiba hai chehkta hi rehega
دل میں ہے اگر عشقِ نبیؐ پائے گا منزل
خالی ہے اگر دل تو بھٹکتا ہی رہے گا
dil mein hai agar ishq-e-nabi (ﷺ) paega manzil
khali hai agar dil to bhatkta hi rehega
دل سے نہ مرے جائے گی آقاؐ کی عقیدت
یہ عشق کا شعلہ ہے دہکتا ہی رہے گا
dil se na mere jaegi aqa (ﷺ) ki aqeedat
ye ishq ka shola hai dehekta hi rehega
برباد خزاں ہو کبھی ممکن نہیں احسنؔ
اسلام کا گلشن ہے مہکتا ہی رہے گا
barbad khazan ho kabhi mumkin nahi Ahsan
Islam ka gulshan hai mehakta hi rehega
Share This Naat
Share with friends and family
سرکار کی الفت سے دمکتا ہی رہے گا
احسن اعظمی