سرکار دو عالم سرور دیں کس پر وہ کرم فرماتے نہیں
اپنے تو پھر بھی اپنے ہیں وہ غیر کا دل بھی دکھاتے نہیں
Sarkar do aalam sarwar-e-din kis par wo karam farmate nahi
Apne to phir bhi apne hain wo ghair ka dil bhi dukhate nahi
دن بیتے جیسے بیتے ہیں جینے کو تو اب بھی جیتے ہیں
جس دن سے مدینہ دیکھا ہے مجھے اور نظارے بھاتے نہیں
Din beete jaise beete hain jeene ko to ab bhi jeete hain
Jis din se Madina dekha hai mujhe aur nazare bhate nahi
رو رو کے عمریا بیت گئی میں ہارا دنیا جیت گئی
جانے کیا ایسی بات ہوئی وہ رخ سے نقاب اٹھاتے نہیں
Ro ro ke umriya beet gayi main hara duniya jeet gayi
Jaane kya aisi baat hui wo rukh se niqab uthate nahi
سرکار کی رحمت ہوتی ہے جب آنکھ کسی کی روتی ہے
محروم تمنا پلکوں پہ اشکوں کے دیپ جلاتے نہیں
Sarkar ki rehmat hoti hai jab aankh kisi ki roti hai
Mehroom tamanna palkon pe ashkon ke deep jalate nahi
جب سنوں مدینے کی باتیں بن بادل برسیں برساتیں
اے باد صبا کچھ تو ہی بتا کیوں مجھ کو پاس بلاتے نہیں
Jab sunoon Madine ki baatein ban badal barsen barsatein
Ae baad-e-saba kuch to hi bata kyun mujh ko paas bulate nahi
ہم چھوڑ کے در نہ جائیں گے بس گیت نبی کے گائیں گے
ہم مانگت ہیں اُس آقا کے جو دے کر بھیک جتاتے نہیں
Hum chhod ke dar na jayenge bas geet Nabi ke gayenge
Hum mangat hain us aaqa ke jo de kar bheek jatate nahi
سرکار کرم فرماتے ہیں جب یاد کرو وہ آتے ہیں
جو تڑپیں ان کی الفت میں انکو وہ کبھی تڑپاتے نہیں
Sarkar karam farmate hain jab yaad karo wo aate hain
Jo tadapain un ki ulfat mein unko wo kabhi tadapate nahi
اکھین میں آنسو پھیلے ہیں کرپا کیجو من میلے ہیں
جو آپ کے ہیں وہ غیروں کو اپنا دکھ درد سناتے نہیں
Akhin mein aansu phele hain kirpa kijo man meele hain
Jo aap ke hain wo ghairo ko apna dukh dard sunate nahi
رحمت کی نجریا کر ڈالو منگتوں کے کاسے بھر ڈالو
سنتا ہوں تمہاری چوکھٹ پر جو آئیں خالی جاتے نہیں
Rehmat ki najriya kar daalo mangton ke kase bhar daalo
Sunta hoon tumhari chaukhat par jo aayein khaali jaate nahi
دل گنبد خضری کا ہے امیں جس میں ہے مکیں طیبہ کا حسیں
ان سا نہ نیازی دیکھا کہیں ہم یونہی تو اتراتے نہیں
Dil Gunbad-e-Khazra ka hai ameen jis mein hai makeen Taiba ka haseen
Un sa na Niazi dekha kahin hum yunhi to utrate nahi
Share This Naat
Share with friends and family
سرکار دو عالم سرور دیں کس پر وہ کرم فرماتے نہیں
عبدالستار نیازی