سرکارِ دو جہاں کا نواسہ حسین ہے
بابِ اثر پہ ایک دعا سا حسین ہے
Sarkar-e-Do Jahan ka nawasa Hussain hai
Baab-e-Asar pe aik duaa sa Hussain hai
تقسیم کر رہے ہیں جو کوثر کے جام وہ
کیسے کہے گا کوئی کہ پیاسا حسین ہے
Taqseem kar rahe hain jo Kausar ke jaam wo
Kaise kahe ga koi ke pyaasa Hussain hai
جو نفسِ مطمئنہ کی تصویرِ عین ہے
اسرارِ حق سے خوب شناسا حسین ہے
Jo nafs-e-mutmaina ki tasveer-e-ain hai
Asrar-e-Haq se khoob shanasa Hussain hai
قربانیٔ حسین ہے بنیادِ لا الہ
دینِ محمدی کا اثاثہ حسین ہے
Qurbani-e-Hussain hai buniyaad-e-La Ilaha
Deen-e-Muhammadi ka asasa Hussain hai
کرتے ہیں عاصیوں کی جو امداد ہرگھڑی
بے چارگی میں سب کی ہی آسا حسین ہے
Karte hain aasion ki jo imdaad har ghari
Bechargi mein sab ki hi aasaa Hussain hai
تسکین ان کی یاد سے ملتی ہے ناز کو
ہر آن زندگی میں دلاسہ حسین ہے
Taskeen un ki yaad se milti hai Naz ko
Har aan zindagi mein dilasa Hussain hai
Share This Naat
Share with friends and family
سرکارِ دو جہاں کا نواسہ حسین ہے
صفیہ ناز