سَر میں ہے نوکِ سناں ‘ جسم ہے پیکاں پیکاں
خون ہی خون ہے بکھرا ہوا میداں میداں
Sar mein hai nok-e-sanaan ' jism hai paikan paikan
Khoon hi khoon hai bikhra hua medan medan
کس کی آنکھیں ہیں کہ بجھ کر بھی ہیں مشعل مشعل
کس کا چہرہ ہے کہ کٹ کر بھی ہے رخشاں رخشاں
Kis ki aankhain hain ke bujh kar bhi hain mashal mashal
Kis ka chehra hai ke kat kar bhi hai rakhsan rakhsan
یہ شہادت ہے اس انساں کی ‘ کہ اب حشر تلک
آسمانوں سے صدا آئے گی انساں انساں !!
Ye shahadat hai is insan ki ' ke ab hashr talak
Asmanon se sada aaye gi insan insan !!
یہ اُسی فخرِ دو عالم ؐ کا جگر گوشہ ہے
جس کی رحمت کبھی بٹتی رہی داماں داماں
Ye usi fakhr-e-do aalam ﷺ ka jigar gosha hai
Jis ki rehmat kabhi batti rahi daman daman
کیا قیامت ہے کہ پھولوں سے بھی کمسن بچے
چہرے ماؤں کے تکے جاتے ہیں حیراں حیراں
Kya qayamat hai ke phoolon se bhi kumsin bachay
Chehray maon ke take jaate hain hairan hairan
وہ جو حق کے لیے مر جانے کا فن جانتے ہیں
ان مراحل سے گزر جاتے ہیں آساں آساں
Woh jo haq ke liye mar janay ka fun jantay hain
Un marahil se guzar jaate hain asan asan
Share This Naat
Share with friends and family
سَر میں ہے نوکِ سناں
احمد ندیم قاسمی