سر صبح سعادت نے گریباں سے نکالا
ظلمت کو ملا عالم اِمکاں سے نکالا
Sar Subah Saadat Ne Gariban Se Nikala
Zulmat Ko Mila Alam-e-Imkan Se Nikala
پیدائشِ محبوب کی شادی میں خدا نے
مدت کے گرفتاروں کو زِنداں سے نکالا
Paidaaish-e-Mehboob Ki Shaadi Mein Khuda Ne
Muddatt Ke Girftaroon Ko Zindan Se Nikala
رحمت کا خزانہ پئے تقسیمِ گدایاں
اللہ نے تہ خانۂ پنہاں سے نکالا
Rehmat Ka Khazana Paye Taqseem-e-Gadayan
Allah Ne Teh Khanah-e-Pinhan Se Nikala
خوشبو نے عنادِل سے چھڑائے چمن و گل
جلوے نے پتنگوں کو شبستاں سے نکالا
Khushboo Ne Anadil Se Churaaye Chaman-o-Gul
Jalwa Ne Patangon Ko Shabistan Se Nikala
ہے حُسنِ گلوئے مہ بطحا سے یہ روشن
اب مہر نے سر ان کے گریباں سے نکالا
Hai Husn-e-Gulo-e-Mah-e-Batha Se Ye Roshan
Ab Mehr Ne Sar Un Ke Gariban Se Nikala
پردہ جو تِرے جلوۂ رنگیں نے اُٹھایا
صَرصَر کا عمل صحنِ گلستاں سے نکالا
Parda Jo Tire Jalwa-e-Rangin Ne Uthaya
Sarasar Ka Amal Sahn-e-Gulistan Se Nikala
اُس ماہ نے جب مہر سے کی جلوہ نمائی
تاریکیوں کو شامِ غریباں سے نکالا
Us Mah Ne Jab Mehr Se Ki Jalwa Namai
Tareekion Ko Shaam-e-Gariban Se Nikala
اے مہر کرم تیری تجلی کی ادا نے
ذَرَّوں کو بلائے شب ہجراں سے نکالا
Ae Mehr-e-Karam Teri Tajalli Ki Ada Ne
Zarron Ko Bala-e-Shab-e-Hijran Se Nikala
صدقے تِرے اے مرد مک دیدۂ یعقوب
یوسف کو تری چاہ نے کنعاں سے نکالا
Sadqe Tire Ae Mard Mak Didah-e-Yaqub
Yusuf Ko Teri Chah Ne Kan'an Se Nikala
ہم ڈوبنے ہی کو تھے کہ آقا کی مدد نے
گرداب سے کھینچا ہمیں طوفاں سے نکالا
Hum Doobne Hi Ko The Ke Aaqa Ki Madad Ne
Gardab Se Kheencha Humein Tufan Se Nikala
اُمت کے کلیجہ کی خلش تم نے مٹائی
ٹوٹے ہوئے نشتر کو رَگِ جاں سے نکالا
Ummat Ke Kaleja Ki Khalish Tum Ne Mitai
Toote Hue Nishter Ko Rag-e-Jaan Se Nikala
ان ہاتھوں کے قربان کہ ان ہاتھوں سے تم نے
خارِ رہِ غم پائے غریباں سے نکالا
Un Haathon Ke Qurban Ke Un Haathon Se Tum Ne
Khaar-e-Rah-e-Gham Paaye Gariban Se Nikala
اَرمان زَدوں کی ہیں تمنائیں بھی پیاری
اَرمان نکالا تو کس اَرماں سے نکالا
Armaan Zadon Ki Hain Tamannayen Bhi Pyari
Armaan Nikala To Kis Armaan Se Nikala
یہ گردنِ پر نور کا پھیلا ہے اُجالا
یا صبح نے سر اُن کے گریباں سے نکالا
Ye Gardan-e-Par Noor Ka Phela Hai Ujala
Ya Subah Ne Sar Un Ke Gariban Se Nikala
گلزارِ براہیم کیا نار کو جس نے
اس نے ہی ہمیں آتش سوزاں سے نکالا
Gulzar-e-Ibrahim Kiya Naar Ko Jis Ne
Us Ne Hi Humein Aatish-e-Soozan Se Nikala
دینی تھی جو عالم کے حسینوں کو ملاحت
تھوڑا سا نمک اُن کے نمکداں سے نکالا
Deeni Thi Jo Alam Ke Haseenon Ko Malahat
Thoda Sa Namak Un Ke Namakdan Se Nikala
قرآں کے حواشی پہ جلالین لکھی ہے
مضموں یہ خطِ عارِضِ جاناں سے نکالا
Quran Ke Hawashi Pe Jalalain Likhi Hai
Mazmoon Ye Khat-e-Ariz-e-Jaanan Se Nikala
قربان ہوا بندگی پر لطف رِہائی
یوں بندہ بنا کر ہمیں زِنداں سے نکالا
Qurban Hua Bandagi Pe Lutf-e-Rihai
Yun Banda Bana Kar Humein Zindan Se Nikala
اے آہ مِرے دل کی لگی اور نہ بجھتی
کیوں تو نے دھواں سینۂ سوزاں سے نکالا
Ae Aah Mere Dil Ki Lagi Aur Na Bujhti
Kyun Tu Ne Dhuwan Seene-e-Soozan Se Nikala
مدفن نہیں پھینک آئیں گے اَحباب گڑھے میں
تابوت اگر کوچۂ جاناں سے نکالا
Madfan Nahi Phenk Aayenge Ahbab Gadhe Mein
Taboot Agar Kocha-e-Jaanan Se Nikala
کیوں شور ہے کیا حشر کا ہنگامہ بپا ہے
یا تم نے قدم گورِ غریباں سے نکالا
Kyun Shor Hai Kya Hashr Ka Hangama Bapa Hai
Ya Tum Ne Qadam Gor-e-Gariban Se Nikala
لاکھوں تِرے صدقے میں کہیں گے دمِ محشر
زِنداں سے نکالا ہمیں زِنداں سے نکالا
Lakhon Tire Sadqe Mein Kahenge Dam-e-Hashr
Zindan Se Nikala Humein Zindan Se Nikala
جو بات لب حضرتِ عیسٰی نے دکھائی
وہ کام یہاں جنبش داماں سے نکالا
Jo Baat Lab Hazrat-e-Eesa Ne Dikhai
Wo Kaam Yahan Jumbish-e-Daman Se Nikala
منہ مانگی مرادوں سے بھری جیب دو عالم
جب دست کرم آپ نے داماں سے نکالا
Munh Maangi Muradon Se Bhari Jeeb Do Alam
Jab Dast-e-Karam Aap Ne Daman Se Nikala
کانٹا غمِ عقبے کا حسنؔ اپنے جگر سے
امت نے خیالِ سر مژگاں سے نکالا
Kanta Gham-e-Uqba Ka Hasan Apne Jigar Se
Ummat Ne Khayal-e-Sar-e-Mashgaan Se Nikala
Share This Naat
Share with friends and family
سر صبح سعادت نے گریباں سے نکالا
حسن رضا خان