صفحہِ زیست پہ تحریرِ شہادت چمکی
اِک نئے رنگ سے انسان کی عظمت چمکی
Safha-e-zeest pe tehreer-e-shahadat chamki
Ik naye rang se insaan ki azmat chamki
کس نے خوں بانٹ دیا اپنے جگر پاروں کا
نوکِ شمشیر پہ یہ کس کی سخاوت چمکی
Kis ne khoon baant dia apne jigar paron ka
Nok-e-shamsheer pe ye kis ki sakhaawat chamki
ورنہ تا حشر یزیدوں کی حکومت ہوتی
شکر ہے حضرتِ شبیرؓ کی جرأت چمکی
Warna ta hashr yazeedon ki hukoomat hoti
Shukar hai Hazrat-e-Shabbirؓ ki jurrat chamki
بجھ گئیں ظلم کی سب مشعلیں یارو! لیکن
ریگِ کربل میں فقط اُن کی قیادت چمکی
Bujh gayeen zulm ki sab mashalain yaaro! lekin
Raig-e-Karbala mein faqat un ki qiyaadat chamki
معتبر کیوں نہ اجالوں کا سفر ہو فیضیؔ
راکبِ دوشِ رِسالتؐ کی امامت چمکی
Mutabar kyu na ujaalon ka safar ho Faizi
Rakib-e-dosh-e-Risalatؐ ki imaamat chamki
Share This Naat
Share with friends and family
صفحہِ زیست پہ تحریرِ شہادت چمکی
اسلم فیضی