روز و شب ہم مدحت خیر الوراﷺ کرتے رہے
حق محبت کا محبت سے ادا کرتے رہے
Roz-o-shab hum madah khair-ul-wara ﷺ karte rahe
Haq mohabbat ka mohabbat se ada karte rahe
اپنی بے نوری پہ بھی شکر خدا کرتے رہے
اور یُوں تعمیلِ حکمِ مصطفیٰ ﷺ کرتے رہے
Apni be-noori pe bhi shukar-e-Khuda karte rahe
Aur yu'n tameel-e-hukm-e-Mustafa ﷺ karte rahe
اپنے ہونٹوں پر لگالی ہم نے مہرِ خامشی
اور اشکوں کی زباں سے التجا کرتے رہے
Apne honto'n par lagali hum ne mehr-e-khamushi
Aur ashko'n ki zubaan se iltija karte rahe
اپنی اس جراءت پہ ہم کو ناز تھا اور ناز ہے
ان کو اپنا جان کر ان سے گلہ کرتے رہے
Apni is jurraat pe hum ko naaz tha aur naaz hai
Un ko apna jaan kar un se gila karte rahe
ہم نے آداب ِ محبت کا کیا یوں احترام
دل ہی دل میں ان سے عرضِ مدعا کرتے رہے
Hum ne adaab-e-mohabbat ka kiya yu'n ehteraam
Dil hi dil mein un se arz-e-mudd'a karte rahe
یہ جبیں اُس آستانِ پاک کے قابل نہ تھی
آنکھوں ہی آنکھوں میں ہم سجدے ادا کرتے رہے
Ye jabeen us aastan-e-paak ke qabil na thi
Aankho'n hi aankho'n mein hum sajde ada karte rahe
کاش طیبہ میں میسر ہو ہمیں دو گز زمیں
زندگی بھر ہم خدا سے یہ دعا کرتے رہے
Kaash Taiba mein mayassar ho humein do gaz zameen
Zindagi bhar hum Khuda se ye dua karte rahe
مختصر یہ ہے کہ ہم اقبؔال ساری زندگی
ہر نفس پر شرح تسلیم و رضا کرتے رہے
Mukhtasir ye hai ke hum Iqbal saari zindagi
Har nafas par sharahe tasleem-o-raza karte rahe
Share This Naat
Share with friends and family
روز و شب ہم مدحت خیر الوراﷺ کرتے رہے
پروفیسراقبال عظیم