روحِ جہاں کی نعت کا پاکیزہ فن دیا گیا
بہرِ نعوتِ شاہِ دیں رزقِ سخن دیا گیا
Rooh-e-jahan ki naat ka pakeezah fun diya gaya
Behr-e-naat-e-shah-e-deen rizq-e-sukhan diya gaya
مدحتِ حسنِ شاہ کے اذنِ کرم سے پیشتر
دولتِ حرف دی گئی عشق کا دھن دیا گیا
Madhat-e-husn-e-shah ke azn-e-karam se peshtar
Daulat-e-harf di gayi ishq ka dhan diya gaya
سوچیں مری ہیں باندیاں سنگِ درِ رسول کی
بردہ ہے جو حضور کا مجھ کو وہ من دیا گیا
Sochen meri hain bandiyan sang-e-dar-e-Rasool ki
Bardah hai jo Huzoor ka mujh ko woh man diya gaya
تلووں سے لے کے روشنی روئے قمر کو دی گئی
لعل و گلابِ سرخ کو رنگِ دہن دیا گیا
Talwon se le ke roshni roo-e-qamar ko di gayi
Laal-o-gulaab-e-surkh ko rang-e-dahan diya gaya
گل کو نزاکتیں ملیں ان کے لبوں سے بھیک میں
مشک و عبیر و عود کو عطرِ بدن دیا گیا
Gul ko nazaktain milin un ke labon se bheek mein
Mushk-o-abeer-o-oud ko itr-e-badan diya gaya
جس میں حُسَین اور حَسَن جیسے حسِین پھول ہیں
بنتِ رسول فاطمہ کو وہ چمن دیا گیا
Jis mein Hussain aur Hasan jaise haseen phool hain
Bint-e-Rasool Fatima ko woh chaman diya gaya
ٹھنڈی ہوا کے ضمن میں جس کا ہوا ہے تذکرہ
مجھ کو خدا کے فضل سے ایسا وطن دیا گیا
Thandi hawa ke zamar mein jis ka hua hai zikar
Mujh ko Khuda ke fazl se aisa watan diya gaya
Share This Naat
Share with friends and family
روحِ جہاں کی نعت کا پاکیزہ فن دیا گیا
اشفاق احمد غوری