اس پہ ایمان بھی ایقان بھی ہم رکھتے ہیں
غیب کا علم شہنشاہِ امم رکھتے ہیں
Is pe imaan bhi eeqaan bhi hum rakhte hain
Ghaib ka ilm shahenshah-e-umm rakhte hain
خوف رکھتے ہیں زمانے کا نہ غم رکھتے ہیں
دل میں عشقِ شہِ ابرار جو ہم رکھتے ہیں
Khauf rakhte hain zamane ka na gham rakhte hain
Dil mein ishq-e-shah-e-abraar jo hum rakhte hain
بات ایسی کہ ہر اک بات میں دم رکھتے ہیں
ہم بس اقوالِ شہنشاہِ امم رکھتے ہیں
Baat aisi ke har ek baat mein dam rakhte hain
Hum bas aqwal-e-shahenshah-e-umm rakhte hain
سر اٹھاتے نہیں طوفان ہمارے آگے
فیضِ عشقِ شہِ لولاک سے، خم رکھتے ہیں
Sar uthate nahi toofaan hamare aage
Faiz-e-ishq-e-shah-e-lolaaak se, kham rakhte hain
اس طرح دل کو بناتے ہیں مدینہ ان کا
دل میں آقا کی تمناؤں کو ہم رکھتے ہیں
Is tarah dil ko banate hain Madeena unka
Dil mein aaqa ki tamannaon ko hum rakhte hain
کر تے رہتے ہیں مگر جیسا کہ حق ہے اس کا
ہم سے ممکن نہیں توصیف، قلم رکھتے ہیں
Kar te rehte hain magar jaisa ke haq hai us ka
Hum se mumkin nahi toseef, qalam rakhte hain
یونہی آتے نہیں تبریک کے گلدستے شفیقؔ
ہم بھی اشعار میں خوشبوئے حرم رکھتے ہیں
Yunhi aate nahi tabreek ke guldaste Shafeeq
Hum bhi ashaar mein khushboo-e-haram rakhte hain
Share This Naat
Share with friends and family
اس پہ ایمان بھی ایقان بھی ہم رکھتے ہیں
شفیق ؔ رائے پوری