Manqabat
رضویت ماتم کناں ہے مضطرب برکاتیت
رضویت ماتم کناں ہے مضطرب برکاتیت
کون دے پرسا کسے اور کون کس کو تعزیت
Razaweeyat maatam kanaan hai muztarab barkateeyat
Kaun de parsa kise aur kaun kis ko taaziyyat
کس کے دامن میں چھپیں اور کس سے اب بپتا کہیں
ایک سناٹا ہے گردِ کاروانِ سنیت
Kis ke daaman mein chhupen aur kis se ab bipta kahein
Aik sanaata hai gard-e-kaarwan-e-sunneeyat
حق نے بخشا تھا ہمیں ایسا مجلیّٰ آئینہ
خُلق میں تھا جو سراپا مصطفیٰ کا آئینہ
Haq ne bakhsha tha humein aisa mujalliy aai'ina
Khulq mein tha jo saraapa Mustafa ka aai'ina
شاہ برکت شاہ حمزہ پیشوا کا آئینہ
بو الحسین احمد نوری ضیا کا آئینہ
Shah-e-Barakat Shah Hamza peshwa ka aai'ina
Bu al-Hussain Ahmad Noori diya ka aai'ina
زندگی ان کی تھی شرع مصطفیٰ کا آئینہ
قول و فعل و حال میں تھے مرتضیٰ کا آئینہ
Zindagi unki thi shara-e-Mustafa ka aai'ina
Qaul o fi'l o haal mein the Murtaza ka aai'ina
حق نما حق بین و حق گو حق پرست و حق پسند
مردِ حق مشتاقِ حق حق کی ضیا کا آئینہ
Haq numa haq been o haq go haq parast o haq pasand
Mard-e-haq mushtaq-e-haq haq ki diya ka aai'ina
جس کا نصب العین تھا اعلانِ حق تبلیغِ حق
زندگی جس کی تھی شرعِ مصطفیٰ کا آئینہ
Jis ka nasb al-ain tha a'laan-e-haq tabligh-e-haq
Zindagi jis ki thi shara-e-Mustafa ka aai'ina
اپنے مرشد حضرتِ نوری سے جو نوری بنا
صورت و سیرت میں وہ احمد رضا کا آئینہ
Apne murshid hazrat-e-Noori se jo noori bana
Soorat o seerat mein woh Ahmad Raza ka aai'ina
قوم نے جس کو دیا تھا مفتیء اعظم لقب
شارحِ قرآں حدیثِ مصطفیٰ کا آئینہ
Qaum ne jis ko diya tha Mufti-e-A'zam laqab
Sharh-e-Qur'an hadees-e-Mustafa ka aai'ina
جس کی آنکھوں میں جھلکتی تھی حیا عثماں کی
ظلِّ ذی النورین عثماں کی ضیا کا آئینہ
Jis ki aankhon mein jhalakti thi haya Usman ki
Zill-e-Zin Nureen Usman ki diya ka aai'ina
ذوالفقارِ حیدری کا جانشیں جس کا قلم
قول و فعل و حال میں وہ مرتضیٰ کا آئینہ
Dhu al-Fiqaar-e-Hayderi ka janashin jis ka qalam
Qaul o fi'l o haal mein woh Murtaza ka aai'ina
دل کا اچھا تن کا ستھرا مردِ کامل با صفا
اچھے پیارے شمس دیں بدر العلیٰ کا آئینہ
Dil ka achha tan ka suthra mard-e-kaamil ba safa
Achhe pyaare Shams Deen Badr al-Ula ka aai'ina
تازگی ایمان میں آتی تھی جس کو دیکھ کر
ستھرے پیارے نورِ حق شمس الضحیٰ کا آئینہ
Taazagi imaan mein aati thi jis ko dekh kar
Suthre pyaare Noor-e-Haq Shams al-Dhuha ka aai'ina
جس کی ہیبت اہل باطل کے دلوں پر ثبت تھی
وہ رضائے مصطفیٰ شیرِ خدا کا آئینہ
Jis ki haibat ahl-e-baatil ke dilon par sabt thi
Woh Raza-e-Mustafa Sher-e-Khuda ka aai'ina
جلوہء صدیق و فاروق و غنی مشکل کشا
مظہرِ حسنین اور غوث الوریٰ کا آئینہ
Jalwa-e-Siddiq o Farooq o Ghani mushkil kasha
Mazhar-e-Hasnain aur Ghaus al-Wara ka aai'ina
مسلکِ برکاتیت کا وہ علَم بردار تھا
تھا سراسر اپنے مرشد کی دعا کا آئینہ
Maslak-e-Barkateeyat ka woh 'alam bardaar tha
Tha sarasar apne murshid ki dua ka aai'ina
یہ مناقب نظمی نے لکھے قلم برداشتہ
ہے قلم نظمی کا نوری کی عطا کا آئینہ
Yeh manaquib Nazmi ne likhe qalam bardashta
Hai qalam Nazmi ka Noori ki aata ka aai'ina
Share This Naat
Share with friends and family
رضویت ماتم کناں ہے مضطرب برکاتیت
سید آل رسول حسنین میاں برکاتی نظمی