رسول اللہ کی آمد سے اوّل
طلسمِ گُمرہی ہر سُو مسلسل
Rasool Allah ki aamad se awwal
Talism-e-gumrahi har soo musalsal
گروہِ آدمی محصورِ آلام
ہوا و حرص کا حامل وہ ہر گام
Giroh-e-admi mahsoor-e-alaam
Hawa o hirs ka haamil woh har gaam
حرم کے گرد وہ گمراہ سردار
طمع ، حرص و ہواؤ مکر ، کردار
Haram ke gird woh gumrah sardar
Tama', hirs o hawao makr, kirdaar
عدو کی طرح محکوموں کو مارے
سلوکِ مہر سے محروم سارے
Adu ki tarah mahkoomon ko mare
Sulook-e-mehr se mahroom saaray
ہر اِک دلدادۂ اوہام ساحر
دلائل اور ردّ و کد کے ماہر
Har ik dildada-e-oham saahir
Dalail aur rad o ked ke maahir
وہ راس المال ، دل کی سرد مہری
طمع محکم ، حسد کی سطح گہری
Woh raas-ul-maal, dil ki sard mehri
Tama' muhkamm, hasad ki satah gehri
گلوئے عدل آسودِ سَلاسِل
ہوا ، آلودۂ سمِّ ہلا ہل
Galoo-e-adl aasoode salasil
Hawa, aloodah-e-sam-e-hala hal
روسا مصر کے ، سردارِ مکہّ
سوادِ روم کے عمّال و امراء
Rusa Misr ke, sardar-e-Makkah
Sawaad-e-Rome ke ummaal o umara
سلوکِ مہر سے محروم کُرّہ
عدو ، اللہ کا آوے کا آوا
Sulook-e-mehr se mahroom kurrah
Adu, Allah ka aaway ka aawa
علا لا آمدِ علّامِ عالم
درودِ ہمدمِ اولادِ آدم
Ala la aamad-e-allam-e-aalam
Durood-e-hamdam-e-aulaad-e-adam
اِرم آرا ہوا صحرا کا موسم
سرورِ سرو ، مولودِ مکرّم
Iram aara hua sehra ka mausam
Sarwar-e-sarv, maulood-e-mukarram
صدائے طوطئ و طاؤس و طائر
وہ آئے دادرس ، آئے وہ داور
Sada-e-totay o ta'ous o taair
Woh aaye daadras, aaye woh dawar
سواری احمدِ مرسل کی آئی
وہ اُمی اور وہ معصوم داعی
Sawari Ahmed-e-mursal ki aayi
Woh ummi aur woh maasoom daai
وہ محکوموں کا حامی اور مددگار
وہ محکوموں کا ہمدم اور روادا ر
Woh mahkoomon ka haami aur madadgar
Woh mahkoomon ka hamdam aur rawadar
وہ اُمّی اور وہ اُمّ الکلامی
کرے اللہ سے وہ ہم کلامی
Woh ummi aur woh umm-ul-kalami
Kare Allah se woh hum kalami
Share This Naat
Share with friends and family
رسول اللہ کی آمد سے اوّل
حضرت ادیب رائے پوری