رکھتا ہے جو بھی دل میں عقیدت حضور کی
ہوئی ہے اُس پہ خاص عنایت حضور کی
Rrakhta hai jo bhi dil mein aqeedat Huzoor ki
Hui hai uss pe khaas inayat Huzoor ki
اللہ کا بڑا ہی کرم اُس پہ ہو گیا
جس کو عطا ہوئی ہے محبت حضور کی
Allah ka bara hi karam uss pe ho gaya
Jis ko ata hui hai mohabbat Huzoor ki
معراج پر ہیں دیکھ کے ، حیران جبرئیل
وہ عظمت و سیادت و رفعت حضور کی
Mairaaj par hain dekh ke, hairaan Jibreel
Woh azmat o saadat o rifat Huzoor ki
دونوں جہاں میں ہو گیا وہ شخص سرخرو
قسمت سے مل گئی جسے قربت حضور کی
Dono jahan mein ho gaya woh shakhs surrkhro
Qismat se mil gayi jise qurbat Huzoor ki
کرتا ہوںمیں ثنائے نبی اِس یقین سے
محشر میں بخشوائے گی نسبت حضور کی
Karta hoon main sanaaye Nabi iss yaqeen se
Mahshar mein bakhshwaye gi nisbat Huzoor ki
جب تک مرے وجود میں آصف یہ دَم رہے
کرتا رہوں میں ہر گھڑی مدحت حضور کی
Jab tak mere wajood mein Asif ye dam rahay
Karta rahoon main har ghari madhat Huzoor ki
Share This Naat
Share with friends and family
رکھتا ہے جو بھی دل میں عقیدت حضور کی
محمد آصف قادری