رہے دل میں تری چاہت بسر ہو زندگی ایسی
کرے جو روح پاکیزہ عطا ہو آگہی ایسی
Rahe dil mein teri chahat basar ho zindagi aisi
Kare jo rooh paakiza ata ho aagahi aisi
وہ جس کے شعر و مصرع میں بسی ہو نعت کی خوشبو
لبوں پر ہر گھڑی میرے سجی ہو شاعری ایسی
Wo jis ke sher o misra mein basi ho naat ki khushbu
Labon par har ghari mere saji ho shairi aisi
بڑا خوش بخت ہے جس کو بلایا آپؐ نے در پر
سو قسمت سے نکلتی ہے کسی کی لاٹری ایسی
Bada khush bakht hai jis ko bulaya aap ne dar par
So qismat se nikalti hai kisi ki lottery aisi
علّوِ مرتبت ایسا کہ او ادنیٰ تلک پہنچے
مگر بیٹھے چٹائی پر ادھر ہے سادگی ایسی
Allo-e-martabat aisa ke o adna talak pohnche
Magar baithe chatai par udhar hai saadgi aisi
ترا تو نام لیتے ہی یہ لب ملتے ہیں بوسہ کو
ترے اسمِ گرامی میں بھری ہے چاشنی ایسی
Tera to naam lete hi ye lab milte hain bosa ko
Tere ism-e-grami mein bhari hai chaashni aisi
صحابہ ہاتھ میں لیتے جلیل آبِ وضو ان کا
کہ تھی عشقِ محمدؐ میں انہیں وارفتگی ایسی
Sahaba haath mein lete jaleel aab-e-wazu un ka
Ke thi ishq-e-Muhammad mein unhein warafgtagi aisi
Share This Naat
Share with friends and family
رہے دل میں تری چاہت بسر ہو
حافظ عبدالجلیل