ربِ کونین! ترے نام پہ جھکنا آیا
شاہِؐ دارین کے پیغام پہ جھکنا آیا
Rabb-e-Konain! Tere naam pe jhukna aya
Shah-e-Darain ke paighaam pe jhukna aya
سر اٹھانے کا سلیقہ جو نبیؐ نے بخشا
اپنے مالک کے ہے احکام پہ جھکنا آیا
Sar uthana ka saleeqa jo Nabi ne baksaha
Apne Malik ke hai ehkaam pe jhukna aya
لمسِ قدمینِ پیمبرؐ کی ہے خوشبو جس میں
ایسے ہر نقش پہ ہر گام پہ جھکنا آیا
Lams-e-Qadmain-e-Paighambar ki hai khushboo jis mein
Aise har naqsh pe har gaam pe jhukna aya
ان کی دہلیز ، مواجہ کہ سنہری جالی
جملہ انوار کی اقسام پہ جھکنا آیا
Un ki dehleez, Muwajah ke sunhari jali
Jumla anwaar ki aqsam pe jhukna aya
کالی کملی میں جو ملبوس حرم کو دیکھا
محرمِ شاہؐ کے احرام پہ جھکنا آیا
Kaali kamli mein jo malboos haram ko dekha
Mehrem-e-Shah ke ehraam pe jhukna aya
دہر میں دیں کو سرافراز وہی ہیں کرتے
جن کو اسلام کے اکرام پہ جھکنا آیا
Dehr mein deen ko sarafraaz wahi hain karte
Jin ko Islam ke ikram pe jhukna aya
علم کا شہر وہی امّی لقب ہے طاہرؔ
سامنے جس کے ہے اکلام کو جھکنا آیا
Ilm ka shehar wahi ummi laqab hai Tahir
Samne jis ke hai aklaam ko jhukna aya
Share This Naat
Share with friends and family
ربِ کونین! ترے نام پہ جھکنا آیا
پروفیسر محمد طاہر صدیقی