ربِّ جہاں سنوار دے زندگی اُخروی مری
تیرے ہی حکم پر چلوں، اس میں ہے بہتری مری
Rabb-e-jahan sanwar de zindagi ukhrawi meri
Tere hi hukm par chaloon, is mein hai behtari meri
تیرے ہی حکم سے خدا میں ہوں غلامِ مصطفیﷺ
تیرے نبیﷺ کی چاکری بن گئی سروَری مری
Tere hi hukm se Khuda main hoon ghulaam-e-Mustafaﷺ
Tere Nabiﷺ ki chaakri ban gayi sarwari meri
شہرِ نبیﷺ ہو گھر مرا، گھر یہ عطا ہو اے خدا
مولا! کرم کی اِک نظر ختم ہو بے گھری مری
Shehr-e-Nabiﷺ ho ghar mera, ghar yeh ata ho aye Khuda
Moula! karam ki ik nazar khatam ho be-ghari meri
حسنِ عمل کو کیجیے، رب کی رضا کے واسطے
لب پہ کبھی نہ لایے، کہتی یہ خامشی مری
Husn-e-amal ko kijiye, Rab ki raza ke wastay
Lab pe kabhi na laiye, kehti yeh khamoshi meri
لمحہ بہ لمحہ دم بہ دم شکرِ خدائے دوجہاں
وقفِ ثنائے رب ہوئی بخت سے شاعری مری
Lamhah ba lamhah dam ba dam shukar-e-Khuda-e-do jahan
Waqf-e-sana-e-Rab hui bakht se shayari meri
پستی تکبّرات میں رقصاں ہے بے گماں مگر
لے کر فرازِ عرش پر پہنچی ہے عاجزی مری
Pasti takaburat mein raqsaan hai be-gumaan magar
Le kar faraz-e-arsh par pahunchi hai aajzi meri
کبر و تکلّفات کا بخت فقط زوال ہے
کہتی ہے بار بار اب مجھ سے یہ سادگی مری
Kibr o takallufat ka bakht faqat zawal hai
Kehti hai baar baar ab mujh se yeh sadgi meri
بزمِ جہانِ حمد کا خادمِ مستقل ہوں میں
رب کے کرم سے خوشنما ہوگئی زندگی مری
Bazm-e-jahan-e-hamd ka khadim-e-mustaqil hoon main
Rab ke karam se khushnuma ho gayi zindagi meri
حسنِ درود سے ہُوا طاہرِؔ خستہ ضوفشاں
پورا یقین ہے مجھے پکّی ہے چاکری مری
Husn-e-Darood se hua Tahirؔ khasta zaufashan
Poora yaqeen hai mujhe pakki hai chaakri meri
Share This Naat
Share with friends and family
ربِّ جہاں سنوار دے زندگی اُخروی مری
طاہر سلطانی