قلزمِ عشق میں اک شان سے جو ڈوبیں گے
لطفِ آقاؐ سے بڑی آن سے وہ ابھریں گے
Qalzme Ishq mein ik shan se jo doobain ge
Lutf e Aqa (ﷺ) se badi aan se wo ubhrain ge
جب فرشتوں نے سوالات کیے مرقد میں
اپنے ہونٹوں پہ تبسّم کی ضیا دیکھیں گے
Jab farishton ne sawalat kiye marqad mein
Apne hoonthon pe tabassum ki zia dekhein ge
مدحتِ سیدِ والاؐ کے وظائف کے طفیل
گرہیں ہم اپنے مقدر کی سدا کھولیں گے
Midhat e Syed e Wala (ﷺ) ke wazaaef ke tufail
Garhain hum apne muqaddar ki sada kholain ge
چاندنی چاند میں تاروں میں چمک آئے گی
آپؐ افلاک سے ہوتے ہوئے جب گزریں گے
Chaandni chaand mein taaron mein chamak aye gi
Aap (ﷺ) aflak se hotay huay jab guzrain ge
آبِ زمزم سے بجھائی ہے یہاں تشنہ لبی
آبِ کوثر سے بھرا جام بھی ہم پائیں گے
Aab e Zamzam se bujhai hai yahan tishna labi
Aab e Kausar se bhara jaam bhi hum payein ge
بند آنکھوں میں سمیٹیں گے حضوری کے مزے
آپؐ آئیں گے تو ہم آنکھ نہیں کھولیں گے
Band aankhon mein sametain ge huzoori ke maze
Aap (ﷺ) aain ge to hum aankh nahi kholain ge
حبس میں ابرِ کرم برسے گا ہم پر طاہرؔ
آپؐ کے نام کی نسبت سے دعا مانگیں گے
Habs mein abr e karam barsay ga hum par Tahir
Aap (ﷺ) ke naam ki nisbat se dua mangain ge
Share This Naat
Share with friends and family
قلزمِ عشق میں اک شان سے جو ڈوبیں گے
پروفیسر محمد طاہر صدیقی