قدرت نے میرے دل میں بھرے مصطفےٰؐ کے رنگ
بہتے ہیں میری آنکھ سے صلِّ علیٰ کے رنگ
Qudrat ne mere dil mein bhare Mustafa ﷺ ke rang
Behte hain meri aankh se Sall-e Ala ke rang
یوں آنسوؤں میں خاکِ قدم ہے رسول کی
پانی میں جس طرح کوئی رکھ دے ملا کے رنگ
Yun aansuon mein khaak-e qadam hai Rasool ki
Pani mein jis tarah koi rakh de mila ke rang
رونے سے کہکشائیں سی مجھ میں بکھر گئیں
بارش کے بعد دیکھ رہا ہوں گھٹا کے رنگ
Rone se kehkashan si mujh mein bikhar gayi
Barish ke baad dekh raha hoon ghata ke rang
بخشے ہمیں ہمارے رسالت مآب نے
انصاف کے یقین کے صدق و صفا کے رنگ
Bakhsh-e humein humare Risalat Maab ne
Insaaf ke yaqeen ke sidq o safa ke rang
یہ سارا معجزہ ہے درود و سلام کا
دیکھی ہے میں نے لفظ کی خوشبو صدا کے رنگ
Yeh sara mojza hai durood o salaam ka
Dekhi hai maine lafz ki khushbu sada ke rang
کھلتے ہیں پھول کی طرح شاخ و شجر بغیر
دستِ دعا کی روشنیوں میں دعا کے رنگ
Khilte hain phool ki tarah shaakh o shajar baghair
Dast-e dua ki roshniyon mein dua ke rang
لوٹی ہے خوب بندگیوں کی بہار بھی
خوشبو چُنی رکوع میں سجدے میں جا کے رنگ
Lauti hai khoob bandagion ki bahaar bhi
Khushbu chuni ruku mein sajde mein jaa ke rang
ہر چند موت کوئی مصّور نہیں مگر
آئے گی میرے پاس وہ لے کر بقا کے رنگ
Har chand maut koi musawwir nahi magar
Aaegi mere pas woh le kar baqa ke rang
احرام زرد صرف مظفر کو چاہیے
اچھے لگیں نہ سادگیوں کو قبا کے رنگ
Ahraam zard sirf Muzaffar ko chahiye
Achay lagen na sadgiyon ko qaba ke rang
Share This Naat
Share with friends and family
قدرت نے میرے دل میں بھرے مصطفےٰؐ کے رنگ
مظفر وارثی