قدرتِ حق کا شہکارِ قدرت اک نظر دیکھ لوں دور ہی سے
بے زیارت کے بے کیف جینا میں تو باز آیا اس زندگی سے
Qudrat-e-Haq ka shahkar-e-qudrat ek nazar dekh lun door hi se
Be-ziyarat ke be-kaif jeena main to baaz aaya is zindagi se
آپ کے در پہ دھونی رمائے پھر خود آدابِ حق سیکھ جائے
بندہ پروراگر ہو اجازت، صاف کہہ دوں میں یہ بندگی سے
Aap ke dar pe dhuni ramaae, phir khud adaab-e-haq seekh jaaye
Banda parwar agar ho ijaazat, saaf keh du main yeh bandagi se
لطف سجدوں کا اس وقت ہوگا ، بے حجابانہ جب حُسن ہوگا
بے محمد کے سر کو جھکانا اک تمسخر سا ہے بندگی سے
Lutf sajdon ka us waqt hoga, be-hajabana jab husn hoga
Be Muhammad ke sar ko jhkaana ek tamaskar sa hai bandagi se
ان کی عظمت کو صدیق جانیں اور فاروق و عثمان جانیں
لذتِ عشق سرکار پوچھو، تم اویس و بلال و علی سے
Un ki azmat ko Siddique jaanen aur Faarooq o Usman jaanen
Lazzat-e-ishq sarkar poocho, tum Owais o Bilal o Ali se
زندگی میں کوئی غم نہیں ہے بعد مردن بھلا ہوگا کیسے
میری مٹی ٹھکانے لگے گی مجھ کو نسبت ہے کوئے نبی سے
Zindagi mein koi gham nahi hai baad mardan bhala hoga kaise
Meri matti thikane lage gi mujh ko nisbat hai koe-Nabi se
میرے تاروں کی تو قیر کرنا میرے پھولوں سے تم پیار کرنا
بالیقیں کوئی مومن نہیں ہے منحرف ہے جو قولِ نبی سے
Mere taaron ki to qeer karna mere phoolon se tum pyar karna
Bai yaqeen koi momin nahi hai munharif hai jo qoul-e-Nabi se
جان لیجیے کہ دینِ متیں میں خوشیاں ہی خوشیاں کیوں رونما ہیں
مصطفیٰ والوں نے کربلا میں جانِ جاں دی ہے ایسی خوشی سے
Jaan lijiye ke deen-e-mateen mein khushiyan hi khushiyan kyu roonuma hain
Mustafa walon ne karbala mein jaan-e-jaan di hai aisi khushi se
اے صبیحؔ کیا تھا میں کچھ نہیں تھا بد تروں سے کہیں بد تریں تھا
آج حسّان کا جانشیں ہوں یعنی جو کچھ ہوں نعتِ نبی سے
Ae Sabih kya tha main kuch nahi tha bad tarun se kahin bad tareen tha
Aaj Hassaan ka janashin hoon yaani jo kuch hoon naat-e-Nabi se
Share This Naat
Share with friends and family
قدرتِ حق کا شہکارِ قدرت اک نظر
سید صبیح الدین صبیح رحمانی