قول تشنہ نہیں مصطفےٰ آپ کا
پورا ہو کے رہا ہر کہا آپ کا
Qoul tishna nahin mustafa aap ka
Poora ho ke raha har kaha aap ka
خوبیاں ساری یکجا ہوئیں آپ میں
کوئی پایا نہیں مرتبہ آپ کا
Khubiyan saari yakja huin aap mein
Koi paya nahin martaba aap ka
بادشاہوں کی بھرتا ہے وہ جھولیاں
کس قدر ہے تونگر گدا آپ کا
Badshahon ki bharta hai woh jholiyan
Kis qadar hai toongar gada aap ka
جھومتی رقص کرتی ہوئی چل پڑی
واسطہ جب دعا نے سنا آپ کا
Jhoomti raqs karti hui chal pari
Wasta jab dua ne suna aap ka
رہبری کے لیے ہے کلامِ خدا
آپ کی آل اور نقشِ پا آپ کا
Rehberi ke liye hai kalam-e khuda
Aap ki aal aur naqsh-e pa aap ka
اُس کو نارِ جہنم بھی چھو نہ سکے
ہوگیا دل سے جو بھی شہا آپ کا
Us ko nar-e jahannum bhi choo na sake
Ho gaya dil se jo bhi shah aap ka
خیرہ ہوجائیں گی سب کی آنکھیں وہاں
حشر میں ہوگا جب سامنا آپ کا
Khira ho jaengi sab ki aankhein wahan
Hashr mein hoga jab saamna aap ka
شعر پُر نور ہوتے ہیں یا مصطفےٰﷺ
لے کر آتا ہوں جب قافیہ آپ کا
She'r pur noor hotay hain ya mustafaﷺ
Le kar aata hoon jab qafiya aap ka
نعت لکھتا رہے یہ شفیقؔ آپ کی
اور کرتا رہے تذکرہ آپ کا
Naat likhta rahay ye Shafiq aap ki
Aur karta rahay tazkira aap ka
Share This Naat
Share with friends and family
قول تشنہ نہیں مصطفےٰ آپ کا
شفیق ؔ رائے پوری