قمر کے دو کیے اُنگلی سے طاقت اس کو کہتے ہیں
ہوا اِک دَم میں عودُ الشمس قدرت اس کو کہتے ہیں
Qamar ke do kiye ungli se taqat is ko kehte hain
Huwa ik dam mein aud us shams qudrat is ko kehte hain
جو پھیلا تھا اندھیرا اِس جہاں میں کفر و بدعت کا
وہ اِک دم میں مٹا شمعِ ہدایت اس کو کہتے ہیں
Jo phela tha andhera is jahan mein kufr o bid'at ka
Woh ik dam mein mita shama'e hidayat is ko kehte hain
جو دیکھیں حضرتِ یوسف جمالِ سیدِ عالم
تو فرمائیں قسم حق کی مَلاحت اس کو کہتے ہیں
Jo dekhen Hazrat-e-Yusuf jamal-e-Syed-e-Aalam
To farmaen qasam haq ki malahat is ko kehte hain
بنایا ان کو مختارِ دوعالم ان کے مولیٰ نے
خلافت ایسی ہوتی ہے نیابت اس کو کہتے ہیں
Banaya in ko mukhtar-e-do alam in ke moulā ne
Khilafat aisi hoti hai niabat is ko kehte hain
شبِ معراج یہ ُغل تھا ملائک حور و غلماں میں
حسیں ہوتے ہیں ایسے خوبصورت اس کو کہتے ہیں
Shab-e-Miraj yeh ghul tha malaik hoor o ghilman mein
Haseen hote hain aise khubsurat is ko kehte hain
کوئی چوتھے فلک پر طور پر کوئی مگر آقا
گئے عرشِ مُعلّٰی پر وَجاہت اس کو کہتے ہیں
Koi chauthe falak par toor par koi magar aqa
Gaye arsh-e-mualla par wajahat is ko kehte hain
لگایا سرمۂ مَازَاغ حق نے اُن کی آنکھوں میں
وہ ہیں ہر چیز کے ناظر بصار ت اس کو کہتے ہیں
Lagaya surma'e ma zaagh haq ne un ki aankhon mein
Woh hain har cheez ke nazir basarat is ko kehte hain
نہیں ہے اور نہ ہوگا بعد آقا کے نبی کوئی
وہ ہیں شاہِ رسل ختمِ نبوت اس کو کہتے ہیں
Nahi hai aur na hoga baad aqa ke nabi koi
Woh hain Shah-e-Rusal khatm-e-nabuwat is ko kehte hain
لگا کر پشت پر ُمہرِ نبوت حق تعالیٰ نے
انہیں آخر میں بھیجا خاتمیت اس کو کہتے ہیں
Laga kar pusht par mohr-e-nabuwat haqq taala ne
Inhein aakhir mein bheja khatimiyat is ko kehte hain
بھکاری بن کے اس دَر پر جو مانگو گے وہ پاؤ گے
کہ اَربابِ نظر بابِ اِجابت اس کو کہتے ہیں
Bikhari ban ke is dar par jo mango ge woh paoge
Ke arbaab-e-nazar bab-e-Ijabat is ko kehte hain
بلا سے پہلے آتی ہے مدد تیری غلاموں پر
ترے صدقے عرب والے اِعانت اس کو کہتے ہیں
Bala se pehle aati hai madad teri ghuLaamon par
Tere sadqe arab wale i'ānat is ko kehte hain
جو عالم کے شکم کو نعمتوں سے سیر فرمائیں
وہ خود فاقے کریں دو دو قناعت اس کو کہتے ہیں
Jo aalam ke shakm ko nematoun se ser farmaen
Woh khud faqe karen do do qanaat is ko kehte hain
دعائیں دے رہے ہیں دشمنوں کو ظلم کے بدلے
حلیم ایسے ہوا کرتے ہیں رحمت اس کو کہتے ہیں
Duaein de rahe hain dushmanoun ko zulm ke badle
Haleem aise hua karte hain rehmat is ko kehte hain
طفیلِ سروَرِ عالم مَدینہ ہم جو دیکھیں گے
کہیں گے دل میں خوش ہو کر کہ جنت اس کو کہتے ہیں
Tufail-e-Sarwar-e-Aalam Madina hum jo dekhen ge
Kahen ge dil mein khush ho kar ke jannat is ko kehte hain
تمہارا سبز گنبد دیکھ کر ہے عرش سکتہ میں
بلندی کس قدر پائی ہے رِفعت اس کو کہتے ہیں
Tumhara sabz gunbad dekh kar hai arsh sekta mein
Bulandi kis qadar payi hai rif'at is ko kehte hain
غلامانِ نبی کو حضرتِ موسیٰ نے جب پوچھا
تو فرمایا خدا نے خیرِ اُمت اس کو کہتے ہیں
Ghulaam-an-e-Nabi ko Hazrat-e-Musa ne jab poucha
To farmaya khuda ne Khair-e-Ummat is ko kehte hain
عرب کے چاند کی جب روشنی پھیلے گی محشر میں
کہیں گے اَنبیا ماہِ رسالت اس کو کہتے ہیں
Arab ke chand ki jab roshni phale gi mehshar mein
Kahen ge anbiya mah-e-rasalat is ko kehte hain
تری شانِ رحیمی جوش پر جس وقت آئے گی
اُٹھے گا شور محشر میں کہ رحمت اس کو کہتے ہیں
Teri shan-e-Rahimi josh par jis waqt aaye gi
Uthega shor mehshar mein ke rehmat is ko kehte hain
رفیقِ مصطفیٰ صدیقِ اَکبر غارِ تیرہ میں
ہیں جاں دینے کو آمادہ رفاقت اس کو کہتے ہیں
Rafiq-e-Mustafa Siddiq-e-Akbar ghar-e-teera mein
Hain jaan dene ko aamada rafaquat is ko kehte hain
کٹا کر سر حسین اِبن علی راہِ الٰہی میں
شہیدوں کے ہوئے سروَر شہادت اس کو کہتے ہیں
Kata kar sar Hussain ibn-e-Ali rah-e-Ilahi mein
Shaheedon ke hue sarwar shahadat is ko kehte hain
فرشتوں یاد رکھنا نام اس عاصی کا محشر میں
جمیلؔ قادری سب اہلسنّت اس کو کہتے ہیں
Farishton yaad rakhna naam is aasi ka mehshar mein
Jameel Qadri sab Ahle-Sunnat is ko kehte hain
Share This Naat
Share with friends and family
قمر کے دو کیے اُنگلی سے طاقت اس کو کہتے ہیں
جمیل الرحمن قادری