قائم مرا بھرم رہے اللہ کے نام سے
دل ضوفشاں رہے فقط اُس کے کلام سے
Qaim mera bharam rahe Allah ke naam se
Dil zaufashaan rahe faqat us ke kalaam se
’قائم کرو نماز، اطاعت مری کرو‘
حکمِ خدائے پاک ہے ہر خاص و عام سے
'Qaim karo namaaz, ita'at mari karo'
Hukum-e-Khuda-e-paak hai har khaas o aam se
اِک دائرے میں شمس و قمر چل رہے ہیں کیوں
یہ بات پوچھ خالقِ ہر صبح و شام سے
Ik dairay mein shams o qamar chal rahe hain kyun
Yeh baat pooch khaliq-e-har subah o shaam se
رب نے نماز میں ہیں کمالات رکھ دیے
ہر دم سکوں ملا ہے رکوع و قیام سے
Rabb ne namaaz mein hain kamaalaat rakh diye
Har dam sukoon mila hai ruku' o qiyaam se
دل سے تُو بارگاہ میں اس کی، دعا تو کر
بے شک خدا سے گوڈ سے ملتا ہے رام سے
Dil se tu baargah mein us ki, du'a to kar
Beshak Khuda se go d se milta hai ra-am se
رب تک پہنچنے کا وہیﷺ رستہ بتائیں گے
جو پوچھنا ہے پوچھ لو خیر الانام سے
Rabb tak pohcnay ka wohi ﷺ rasta batayenge
Jo poochna hai pooch lo khair al-anam se
جس شخص کی نظر ہو شرابِ طہور پر
کیوں منہ لگائے وہ بھلا دنیا کے جام سے
Jis shakhs ki nazar ho sharaab-e-tahoor par
Kyun munh lagaye woh bhala duniya ke jaam se
ہر بندئہ خدا سے رہے دل کا سلسلہ
ہر آن رابطہ رہے ہر خاص و عام سے
Har band-e-Khuda se rahe dil ka silsila
Har aan raabta rahe har khaas o aam se
بزمِ جہانِ حمد سجاتا رہوں سدا
کیوں واسطہ رکھوں میں کسی اور کام سے
Bazm-e-jehan-e-hamd sajata rahoon sada
Kyun waasta rakhoon mein kisi aur kaam se
طاہرؔ! کلامِ پاک کی عظمت نہ پوچھیے
اک نور دل کو ملتا ہے رب کے کلام سے
Tahir! Kalaam-e-Paak ki azmat na poochhiye
Ik noor dil ko milta hai Rabb ke kalaam se
Share This Naat
Share with friends and family
قائم مرا بھرم رہے اللہ کے نام سے
طاہر سلطانی