پھر ہوا سازِ مدح زمزمہ سنج
پھر ہوئی روح کیف سے معمور
Phir hua saz-e-madh zamzama sanj
Phir hui rooh kaif se maamoor
مٹ گئے فاصلے دل و جاں کے
نہ رہا فرق ظاہر و مستور
Mit gaye faasle dil o jaan ke
Na raha farq zaahir o mastoor
زہے الطاف سیّدِؐ ابرار
مطمئن ہو گیا دلِ رنجور
Zahay altaaf Sayyid-e-abraar
Mutmain ho gaya dil-e-ranjur
زہے اکرامِ رحمتِؐ عالم
محترم ہوگئے جو تھے مقہور
Zahay ikram-e-rehmat-e-alam
Mohtram ho gaye jo thay maqhoor
امّئ نکتہ داں کی حکمت سے
حل ہوے سب مسائل ِ جمہور
Umm-ee nukta daan ki hikmat se
Hal huwe sab masail-e-jamhur
آیہ نور چہرہ روشن
کیوں نہ تابندہ ہو شبِ دیجور
Ayah noor chehra roshan
Kyun na tabinda ho shab-e-deejur
دافِع رنج و یاس و کرب والم
قاطعِ کفر شرک و فسق و فجور
Daf-e-ranj o yaas o karb o alam
Qat-e-kufr shirk o fisq o fijoor
محورو منتہائے فکر و نظر
چارہ فرمائے خاطرِ مہجور
Mehwar o muntaha e fikr o nazar
Charah farmaiye khatir-e-mehjur
راحت و اعتبارِ دیدہ تر
عظمت و اختیارِ ھر مجبور
Rahaat o aitebaar-e-deeda tar
Azmat o ikhtiyaar-e-har majboor
اُس کے اوصاف کا احاطہ کروں
یہ کہاں تاب، یہ کہاں مقدور
Us ke ausaaf ka ehaata karun
Yeh kahaan taab, yeh kahaan maqdoor
چارہ جُزا عترافِ عجز نہیں
ذہن قاصر، شعور ہے معذور
Charah juza itiraaf-e-ajz nahi
Zehn qaasir, shuoor hai maazoor
صلہ مدحِ مصؐطفےٰ چاہوں
یہ نہیں میری طبع کو منظور
Sila madh-e-Mustafa chahun
Yeh nahi meri tab' ko manzoor
کیا یہ اعزاز کم ہے میرے لیے
نعتِ خیرالورایؐ پہ ہوں مامور
Kya yeh ezaaz kam hai mere liye
Naat-e-khairulwara pe hoon maamoor
میرا ہر سانس ہے سپاس گزار
اے خداوندِ فکر وفہم شعور
Mera har saans hai sipas guzaar
Ae Khudawand-e-fikr wa fahm shuoor
بہ تقاضائے دیدہ بے تاب
کچھ نہ کچھ مانگنا ہے مجھ کو ضرور
Beh taqaza-e-deedah be taab
Kuch na kuch maangna hai mujh ko zaroor
سوچتا ہوں کہ تجھ سے کیا مانگوں
اے خدائے کریم و ربّ غیور
Sochta hoon ke tujh se kya maangun
Ae Khuda-e-kareem o Rabb e Gheyor
میرا دامانِ آرزو محدود
اور تیرا کرم ہے لا محصور
Mera daamaan-e-aarzu mehdood
Aur tera karam hai la mahsoor
ہاں خطا سے مری ہو صرفِ نظر
سعئ ناقص ہو مقبل و مشکور
Haan khata se meri ho sarf-e-nazar
Sa'e naaqis ho maqbool o mashkoor
حرزِ جاں ہو مجھے ثنائے رسولؐ
رگ وپے میں ہو کیف و جذب و سرور
Hirz-e-jaan ho mujhe sana-e-Rasool
Rag-o-pe mein ho kaif o jazb o suroor
لب رہیں ترجمانِ صدق وصفا
دل ہو کذب و مبالغہ سے نفور
Lab rahen tarjuman-e-sidq o safa
Dil ho kazb o mubaligha se nafoor
قبر میری بحّقِ ختمِ رسلؐ
ہو فراخ و معنبر و پُر نور
Qabar meri b-haqq-e Khatm-e-Rasool
Ho farakh o moanbar o pur noor
سائبانِ کرم ہو سر پہ مرے
سر میدانِ حشر یومِ نشور
Saibaan-e-karam ho sar pe mere
Sar maidan-e-hashr yom-e-nashoor
آخرت کے سبھی مراحل میں
میرے نزدیک تر ہوں میرے حضورؐ
Akhirat ke sabhi marahil mein
Mere nazdeek tar hoon mere Huzoor
Share This Naat
Share with friends and family
پھر ہوا سازِ مدح زمزمہ سنج
حفیظ تائب