پیاس اکھیاں دی بجھاندے نیں نصیباں والے
تیرے دربار تے جاندے نیں نصیباں والے
Piyas akhiyaan di bujhaande ne nasibaan waale
Tere darbaar te jaande ne nasibaan waale
یاد وچہ اکناں دی لنگھدی اے حیاتی ساری
دید دی عید مناندے نیں نصیباں والے
Yaad wich akhaan di langhdi ae hayaati saari
Deed di Eid manaande ne nasibaan waale
نین ہسدے ہوئے ملدے نیں ہزاراں لکھاں
رونا اکھیاں نوں سکھاندے نیں نصیباں والے
Nain hasde hoye milde ne hazaraan lakhhaan
Rona akhiyaan nu sikhaande ne nasibaan waale
روگ دلبر دی محبت دا دلاں نوں لا کے
عمر دا روگ گواندے نیں نصیباں والے
Rog dilbar di mohabbat da dilaan nu la ke
Umar da rog gawaande ne nasibaan waale
درد وچہ وی بڑی لذت اے جے کوئی جانے
ناز دلبر دے اٹھاندے نیں نصیباں والے
Dard wich vi bari lazzat ae je koi jaane
Naaz dilbar de uthaande ne nasibaan waale
انج تے ہر کوئی ظہوریؔ اوہدی تعریف کرے
نعت سوہنے نوں سناندے نیں نصیباں والے
Inj te har koi Zahoori ohdi tareef kare
Naat sohne nu sanaande ne nasibaan waale
Share This Naat
Share with friends and family
پیاس اکھیاں دی بجھاندے نیں نصیباں والے
محمد علی ظہوری