پست بے انتہا ہے میرا شعور
زیرِ انوارِ نعت کتنے ہی طور
Past be inteha hai mera shaor
Zer e anwaar e naat kitne hi tor
تیری مدحت کے ہر تخیّل میں
روشنی روشنی ہے نور ہی نور
Teri madhat ke har takhayyul mein
Roshni roshni hai noor hi noor
جب سے توفیقِ نعت مجھ کو ملی
جسم و جاں ہیں مرے بھی محوِ سرور
Jab se tawfeeq e naat mujh ko mili
Jism o jaan hain mere bhi mehve suroor
پردہ پوشی حضورؐ نے کی ہے
پیشِ سرکارؐ جب ہوئے ہیں قصور
Parda poshi Huzoorؐ ne ki hai
Pesh e Sarkaarؐ jab hue hain qasoor
میں نے نسلوں میں غلامی مانگی
مجھے اعزاز وہؐ بخشیں گے ضرور
Maine naslon mein ghulami maangi
Mujhe aizaaz wohؐ bakhshein ge zaroor
کب میں ہرچیز تجھ پہ واروں گا
کب میں مومن بنوں گا میرے حضورؐ
Kab mein har cheez tujh pe waaron ga
Kab mein momin banoon ga mere Huzoorؐ
علمِ غیب اُنکا کوئی کیا سمجھے
جب سواری کو بھی ہو کشفِ قبور
Ilm e ghaib unka koi kya samjhe
Jab sawari ko bhi ho kashf e qboor
تیرا صدیقؓ ہے وہ قلزمِ عشق
کر نہیں سکتا کوئی جس کو عبور
Tera Siddiqؓ hai woh qalzam e ishq
Kar nahi sakta koi jis ko uboor
کتنی بارعب سادگی ہے تری
کتنا لاچار ہے یہاں پہ غرور
Kitni baarab saadgi hai teri
Kitna laachar hai yahan pe ghuroor
اشک میرے یہ کہہ رہے ہیں شکیلؔ
دل سے ہرگز نہیں مدینہ دور
Ashk mere yeh keh rahe hain Shakeelؔ
Dil se hargiz nahi Madinah door
Share This Naat
Share with friends and family
پست بے انتہا ہے میرا شعور
محمد شکیل نقشبندی