پڑھ لیا قرآن سارا نعت خوانی ہو گئی
یوں لگا اَب خوبصورت زندگانی ہو گئی
Parh liya Qur'an sara naat khwani ho gayi
yoon laga ab khoobsurat zindagani ho gayi
جوڑتی رہتی ہوں مَیں الفاظ اُن کی یاد میں
اَب قلم کی نوک پر دل کش روانی ہو گئی
Jorti rahti hoon main alfaaz un ki yaad mein
ab qalam ki nok par dilkash rawani ho gayi
آپ کی رحمت کی بارش ہو رہی ہے رات دن
کیسی پیاری ہیں یہ گھڑیاں رُت سہانی ہوگئی
Aap ki rehmat ki barish ho rahi hai raat din
kaisi pyari hain yeh ghariyan rut suhani ho gayi
کِھل گئے مدحت کے غنچے رنگ و بو کا راج ہے
آ گیا جشنِ بہاراں گُل فشانی ہو گئی
Khil gaye madhat ke ghunche rang o boo ka raaj hai
aa gaya jashn-e-baharan gul fishani ho gayi
نعت کے صد قے ملیں دونوں جہاں کی نعمتیں
مٹ گئے رنج و اَلم اور شادمانی ہو گئی
Naat ke sadqe milen dono jahan ki naematain
mit gaye ranj o alam aur shadmani ho gayi
شکر آقا کی عطاؤں کا کروں کیسے ادا
آپ کی توصیف عاجز کی زبانی ہو گئی
Shukar aaqa ki ataon ka karun kaise ada
aap ki tauseef aajiz ki zabani ho gayi
ناز کو بھی نعت کہنے کی سعادت مل گئی
میرے آقا مصطفیٰ کی مہربانی ہو گئی
Naaz ko bhi naat kehne ki sa'adat mil gayi
mere aaqa Mustafa ki mehrbani ho gayi
Share This Naat
Share with friends and family
پڑھ لیا قرآن سارا نعت خوانی ہو گئی
صفیہ ناز