پیشانی سے چوموں گا سنگِ درِ جانانہ
دنیا یہی سمجھے گی دیوانہ ہے دیوانہ
Paishani se choomoon ga sang-e-dar-e-janana
Duniya yahi samjhey gi deewana hai deewana
خُرمے کی چٹائی نے تن پر ہیں نشاں چھوڑے
سرکارِ دو عالم ہیں، انداز فقیرانہ
Khurrame ki chatayi ne tan par hain nishan chorhe
Sarkar-e-do aalam hain, andaaz faqeerana
رحمت ہیں دو عالم کی بے کس کے وہ یاور ہیں
برسے ہے کرم ان کا اپنا ہو یا بیگانہ
Rehmat hain do aalam ki be kas ke woh yawer hain
Barse hai karam un ka apna ho ya begana
خالق کی عطا سے وہ مالک ہیں خدائی کے
محبوب کی کرسی پر بیٹھے ہیں وہ شاہانہ
Khaliq ki ata se woh malik hain khudayi ke
Mahboob ki kursi par baithay hain woh shaahana
ہیں پیٹ پہ سِل باندھے، پیوند ہیں کپڑوں میں
مختارِ دو عالم ہیں، رہتے ہیں غریبانہ
Hain peet pe sil bande, pewand hain kapron mein
Mukhtar-e-do aalam hain, rehte hain gharibana
خطبہ پڑھا نبیوں نے اس ذاتِ گرامی کا
جبریل مَلیں ماتھا قدموں پہ غلامانہ
Khutba parha nabiyon ne is zaat-e-garami ka
Jibreel malein matha qadmon pe ghulamana
وہ نورِ مجسم ہیں، سب نور انہی کا ہے
ہیں شمع مرے آقا، مخلوق ہے پروانہ
Woh noor-e-mujassam hain, sab noor inhi ka hai
Hain shama mere aqa, makhlooq hai parwana
پوروں سے بہیں چشمے اور پیڑ کریں سجدے
ہیں یوں تو بشر آقا، اوصاف جداگانہ
Pooron se bahein chashme aur pedr karein sajday
Hain yun to bashr aqa, ausaf judagana
کوثر دیا کثرت دی اللہ نے رفعت دی
خود اپنی زیارت دی، باوصف کریمانہ
Kausar diya kasrat di Allah ne rafat di
Khud apni ziarat di, bawasf karimana
ہم عاصی عادی ہیں بد بختی ہماری ہے
وہ عفو و کرم والے، یہ شان رحیمانہ
Hum aasi aadi hain badbakhti humari hai
Woh afo wa karam wale, yeh shan raheemana
مارہرہ میں ملتی ہے بغدادی و اجمیری
دو آتشہ چھنتی ہے ایسا ہے یہ میخانہ
Marhera mein milti hai Baghdadi wo Ajmeri
Do atisha chhanti hai aisa hai yeh maikhana
نظمی ترے شعروں میں بیدم کی جھلک پائی
مضمون میں ندرت ہے، انداز جداگانہ
Nazmi tere sheron mein Bedam ki jhalak payi
Mazmoon mein nudrat hai, andaaz judagana
میزان پہ محشر میں سرکار یہ فرمادیں
نظمی مرا مستانہ، نظمی مرا مستانہ
Mezaan pe mahshar mein Sarkar yeh farma dein
Nazmi mera mastana, Nazmi mera mastana
Share This Naat
Share with friends and family
پیشانی سے چوموں گا سنگِ درِ جانانہ
سید آل رسول حسنین میاں برکاتی نظمی