اوبے پرواہا محبوبا پردے تھیں باہر آ اڑیا
اینہاں گھر دیاں باندیاں بردیاں توں نہ اپنا آپ لُکا اڑیا
Obe parwaha mahbooba parade thain bahar aa ariya
Ena ghar dian bandian bardian ton na apna aap luka ariya
کِتے تھاں تھاں وچ پیا وسنّائیں کِتے پتہ نشان نہ دَسّنائیں
کِتے رونائیں کِتے ہسّنائیں بیٹھوں اپنا آپ چھپا اَڑیا
Kitey than than vich peya wasnaein kitey pata nishan na dassnaein
Kitey ronaein kitey hassnaein baitho apna aap chapa ariya
کِتے عابد کِتے معبُود ہیں تو کِتے عدم کِتے موجود ہیں توں
آپے جان تے آپ وجُود ہیں توں لویں ہر تھاں بھیس وٹا اڑیا
Kitey abid kitey ma'bood hain tu kitey adam kitey maujood hain toon
Aape jaan te aap wajood hain toon lawein har than bhes wta ariya
آپے فانی آپے باقی ایں آپے میکش آپے ساقی ایں
آپے عجمی آپے عراقی ایں ، لاویں ہر تھاں وکھرا دا اڑیا
Aape fani aape baqi ain aape maikash aape saqi ain
Aape ajami aape araqi ain, lawe har than vakhra da ariya
اعظؔم ایہہ گل فضول نہیں ، کوئی اس بن دُوجا مُول نہیں
ایس گل نوں دینا طُول نہیں ، نہیں تے کھریاں دیواں سنا اڑیا
Azam eh gal fazool nahi, koi is bin dooja mool nahi
Es gal noon dena tool nahi, nahi te khriyan diwan sana ariya
Share This Naat
Share with friends and family
اوبے پرواہا محبوبا پردے تھیں باہر آ اڑیا
محمد اعظم چشتی