نوری مکھڑا نالے زلفاں کالیاں
صدقے واری جان ویخن والیاں
Noori mukhra nale zulfan kaaliyan
Saday waari jaan vekhan waaliyan
چن چڑھیا آمنہ دے لال دا
مک گیاں دنیا توں راتاں کالیاں
Chan charhiya amna de laal da
Mukk gayaan duniya ton raatan kaaliyan
تیرے ویہڑے کھیڈے رب دا لاڈلا
واہ حلیمہؓ تیریاں خوش حالیاں
Tere vehre khede rab da laadla
Wah Haleema teriyan khush haaliyan
ویخ کے رتبہ بلال حبش دا
ہو گیاں قربان شکلاں والیاں
Vekh ke rutba Bilal Habash da
Ho gayaan qurban shaklaan waaliyan
لکھاں اوہدے در دا پانی بھر دیاں
صورتاں ہن موہنیاں متوالیاں
Lakhan ohde dar da paani bhar diyaan
Soortaan han mohaniyan matwaaliyan
سوں گئی امت تے آقاؐ جاگدے
کیتیاں سرکارؐ نے لج پالیاں
Son gayi ummat te aqa jagde
Keetiyan sarkar ne laaj paaliyan
بے کساں، مظلوماں، دکھیاراں دیاں
میرے آقا کیتیاں رکھوالیاں
Bay kasaan, mazloomaan, dukhiyaaraan diyaan
Mere aqa keetiyan rakhwaaliyan
میرا منہ آ کے فرشتے چم دے
چمیاں جد روضے دیاں میں جالیاں
Mera munh aa ke farishte cham de
Chamiyaan jad roze diyaan main jaaliyan
عشق دے جھلے ای نمبر لے گئے
عقلمنداں اینویں عمراں گالیاں
Ishq de jhalay e number le gaye
Aqalmandaan enwein umraan galiyaan
اجڑیاں راہواں توں سوہنا گزریا
چارے پاسے ہوگیاں ہریالیاں
Ujdiyan raahwan ton sohna guzriya
Chaare paase ho gayaan hariyaaliyan
میں ظہوریؔ صدقے اوہدے نام توں
ساریاں جس نے بلاواں ٹالیاں
Main Zahoori saday ohde naam ton
Saariyan jis ne balawaan taaliyan
Share This Naat
Share with friends and family
نوری مکھڑا نالے زلفاں کالیاں
محمد علی ظہوری