نور حضرتؐ کاجو طیبہ کے نظاروں میں نہ تھا
رنگ پھولوں میں نہ تھا کیف بہاروں میں نہ تھا
Noor-e-Hazratؐ ka jo tayyaba ke nazaroon mein na tha
Rang phooloon mein na tha kaif baharon mein na tha
جب مدینہ نہ بنا تھا شہؐ دیں کی منزل
عشق سرگرم سفر راہ گزاروں میں نہ تھا
Jab madina na bana tha Shahؐ-e-deen ki manzil
Ishq sargarm safar raah guzaron mein na tha
فقر خودار تھا سرمایہ اصحاب رسولؐ
طالب زر کوئی سرکارؐ کے پیاروں میں نہ تھا
Faqr khudar tha sarmaya-e-as-haab-e-Rasoolؐ
Talib-e-zar koi Sarkarؐ ke pyaron mein na tha
ایک تھی ان کی لگن ایک تھا ان کا مقصود
فرق کچھ سرورؐ کونین کے یاروں میں نہ تھا
Ek thi un ki lagan ek tha un ka maqsood
Farq kuch Sarwarؐ konain ke yaron mein na tha
میرے خواجہؐ نے کیا غاروں کا سینہ روشن
ورنہ یوں چاند کا مسکن کبھی غاروں میں نہ تھا
Mere Khwajaؐ ne kiya gharoon ka seena roshan
Warna yun chaand ka maskan kabi gharoon mein na tha
اسی مضمون کو امیؐ نے کیا ہم پہ عیاں
قابل فہم جو قرآن کے پاروں میں نہ تھا
Isi mazmoon ko Ummiؐ ne kiya hum pe ayaaan
Qabil faham jo Quran ke paron mein na tha
اے رسولؐ عربی! رزم حق و باطل میں
کوئی بے کیف ترے سینہ فگاروں میں نہ تھا
Ae Rasoolؐ Arabi! razm haq o batil mein
Koi bekaif tere seenah-fagaron mein na tha
نعت گوئی و ثنا خوانی شہؐ سے پہلے
یہ اثر میرے کنایوں میں اشاروں میں نہ تھا
Naat goi o sana khwani Shahؐ se pehle
Ye asar mere kinayoon mein isharon mein na tha
ؐ شکر للہ کہ مظہر سے سنی نعت نبی
ایسا خوش لہجہ ثنا خواں کوئی یاروں میں نہ تھا
Shukar lillah ke Mazhar se suni naat-e-Nabi
Aesa khush lehja sana khwan koi yaron mein na tha
Share This Naat
Share with friends and family
نور حضرتؐ کاجو طیبہ کے نظاروں میں نہ تھا
مظہر الدین مظہر