ہادیا تاجدار مدینے دیا سوہنا کوئی نہ تیرے جیہا ویکھیا
جنہاں اک وار تیری جھلک ویکھ لئی اوہناں پھر نہ کوئی دوسرا ویکھیا
Hadiya tajdar madine dia sohna koi na tere jeha wekhia
Jinhaan ik war teri jhalak wekh lai ohna phir na koi dosra wekhia
سچے رب دی کرائی اے پہچان توں، وحشیاں نوں بنایا اے انسان تو
رب دا فرمان تو ساڈا ایمان توں، دیکھ کے تینوں بندیاں خدا ویکھیا
Sachay Rab di karai ae pehchaan tu, wahshiyan nu banaya ae insaan tu
Rab da farmaan tu sada imaan tu, dekh ke tainu bandiyan Khuda wekhia
جلوہ گاہِ نبی اُمِ ہانی دا گھر، جتھوں ہویا شروع اک انوکھا سفر
نُور نوں رب نے دسیا مقامِ بشر آپ جبریل سدرہ تے جا ویکھیا
Jalwa gaah-e-Nabi um-e-Hani da ghar, jitho hoya shuru ik anokha safar
Noor nu Rab ne dasia maqaam-e-bashar ap Jibreel Sidra te ja wekhia
حوصلے ماڑیاں دے ودھائے پیا، عاجزی تگڑیاں نوں سکھاوے پیا
نِیر غاراں چہ بہہ کے وگاوے پیا جنہوں عرشاں تے رب نے بلا ویکھیا
Housale maariyan de vadhaye piya, aajzi tagriyan nu sikhawe piya
Neer gharaan ch beh ke wagawe piya jinu arshaan te Rab ne bula wekhia
دل نوں موہ لین والے نظارے بڑے، جلوے دنیا دے وچہ پیارے پیارے بڑے
پر ظہوریؔ نوں بھل گئے ایہہ سارے بڑے جہڑے دن دا درِ مصطفےٰ ویکھیا
Dil nu moh laan wale nazare bade, jalwe duniya de vich pyaare pyaare bade
Par Zahoori nu bhul gaye eh saare bade jehray din da dar-e-Mustafa wekhia
Share This Naat
Share with friends and family
ہادیا تاجدار مدینے دیا سوہنا کوئی نہ تیرے جیہا ویکھیا
محمد علی ظہوری