نورِ حق سے ہے رنگِ جہاں مختلف
آپ آئے ہوا ہر سماں مختلف
Noor-e-Haq se hai rang-e jahan mukhtalif
Aap aaye hua har samaan mukhtalif
رحمتوں کے کنول مسکرانے لگے
ہو گئی نکہتِ گلستاں مختلف
Rehmaton ke kanwal muskurane lage
Ho gayi nakhat-e gulistan mukhtalif
بے کسوں کا ملا مژدۂ سر خوشی
ہوگئی ہستیِ بے کساں مختلف
Baykason ka mila mujda-e sar khushi
Ho gayi hasti-e baykasan mukhtalif
پا گئی آدمیت نئی زندگی
ہے مسرت کا عالم یہاں مختلف
Paa gayi adamiat nai zindagi
Hai musarrat ka alam yahan mukhtalif
جب حلیمہ گئیں لے کے آقاؐ کو گھر
ہو گیا ان کے گھر کا سماں مختلف
Jab Haleema gae le ke Aaqa ko ghar
Ho gaya un ke ghar ka samaan mukhtalif
گمرہی سے چلا سوئے حق کارواں
ہوگئی منزلِ کارواں مختلف
Gumrahi se chala soe Haq karwaan
Ho gayi manzil-e karwaan mukhtalif
اذنِ انگشتِ سرکار پاتے ہی چاند
ایک تھا ہو گیا نا گہاں مختلف
Izn-e angusht-e Sarkar paate hi chaand
Ek tha ho gaya naa gehen mukhtalif
فکرِ عقبیٰ بھی کر اے غریقِ طرب
کیوں کہ ہوگا وہاں امتحاں مختلف
Fikr-e uqba bhi kar ae ghareeq-e tarab
Kyun ke hoga wahan imtihaan mukhtalif
نعتِ احسؔن میں ہے حسنِ اصلاح بھی
کیوں نہ ہو اس کا طرزِ بیاں مختلف
Naat-e Ahsan mein hai husn-e islaah bhi
Kyun na ho us ka tarz-e bayaan mukhtalif
Share This Naat
Share with friends and family
نورِ حق سے ہے رنگِ جہاں مختلف
احسن اعظمی