نشاں اسی کے ہیں سب اور بے نشاں وہ ہے
چراغ اور اندھیرے کے درمیاں وہ ہے
Nishan asi ke hain sab aur be nishan woh hai
Charagh aur andhere ke darmiyan woh hai
نمود لالہ و گل میں وہی ہے چہرہ نما
شجر شجر پہ لکھا حرفِ داستاں وہ ہے
Namood laala o gul mein wohi hai chehra numa
Shajar shajar pe likha harf-e-dastaan woh hai
جبین شمس و قمر اس کے نور سے تاباں
سنہری دھوپ ہے وہ حسن کہکشاں وہ ہے
Jabeen shams o qamar us ke noor se tabaan
Sunehri dhoop hai woh husn kehkashaan woh hai
اسی کی ذات کے ممنون خدوخال حیات
کہ اور کون ہے صورت گر جہاں وہ ہے
Asi ki zaat ke mamnoon khad-o-khaal-e-hayat
Ke aur kaun hai soorat gar jahan woh hai
ہر اک اُفق پہ اسی کا دوام روشن ہے
جو شے فانی ہے بس ایک جاوداں وہ ہے
Har ek ufaq pe asi ka dawaam roshan hai
Jo shai fani hai bas ek jaawidaan woh hai
کیا ہے جرم سے پہلے ہی اہتمام کرم
چراغ رحمت آقا میں ضو فشاں وہ ہے
Kiya hai jurm se pehle hi ehtemaam-e-karam
Charagh-e-rehmat aaqa mein zou-fashaan woh hai
اسی کی یاد لہو سے کلام کرتی ہے
ہے جس کے ذکر سے آباد شہر جاں وہ ہے
Asi ki yaad lahoo se kalaam karti hai
Hai jis ke zikr se aabaad shehar-e-jaan woh hai
سکوت نیم شبی میں پکارتا ہوں اس
کہ میں ہوں درد کی دستک در اماں وہ ہے
Sukoot neema shabi mein pukarta hoon us
Ke main hoon dard ke dastak dar amaan woh hai
زبان اشک سے مانگو دعائیں بخشش کی
بڑا رحیم ، نہایت ہی مہرباں وہ ہے
Zabaan ashq se maango duayein bakhshish ki
Bara raheem, nihayat hi mehrbaan woh hai
اسی کی مدح میں لو دے رہے ہیں لفظ صبیحؔ
سخن کا نور ہے وہ لذّت بیاں وہ ہے
Asi ki madah mein lo de rahe hain lafz Sabih
Sukhan ka noor hai woh lazat-e-bayaan woh hai
Share This Naat
Share with friends and family
نشاں اسی کے ہیں سب اور بے نشاں وہ ہے
سید صبیح الدین صبیح رحمانی