خدائے پاک کو زیبا ہر ایک عظمت ہے
بڑا قوی ہے ہر اِک شے میں اس کی قدرت ہے
Khudae paak ko zeeba har aik azmat hai
Bara qawi hai har ik shai mein is ki qudrat hai
خدا نے نعمتیں کی ہیں عطا ہمیں طیب
ہر ایک نعمتِ عظمیٰ میں حسنِ ندرت ہے
Khuda ne naimatein ki hain ata humein taib
Har aik naimat-e-uzma mein husn-e-nudrat hai
جنابِ آدم و عیسیٰ، ہر اک پیمبر نے
خدائے پاک کی ہر اِک نے کی اطاعت ہے
Janab-e-aadam o eesa, har ik paimbar ne
Khudae paak ki har ik ne ki ata'at hai
یہ اعتراف ہے مولا! کہ ہم نکمّے ہیں
ہمیں خطاؤں پہ اپنی بہت ندامت ہے
Ye a'tiraf hai maula! ke hum nakkam-e hain
Humein khataon pe apni bohot nadamat hai
خدا کا بندہ وہی رہتا ہے خسارے میں
جہانِ فانی کی رکھتا جو دل میں چاہت ہے
Khuda ka banda wahi rehta hai khasare mein
Jahaan-e-faani ki rakhta jo dil mein chahat hai
لکھی جو حمدِ خدا، قلب شاد شاد ہوا
بفیضِ حمد مرے گھر خدا کی رحمت ہے
Likhki jo hamd-e-Khuda, qalb shad shad hua
Bafaiz-e-hamd mere ghar Khuda ki rehmat hai
غزل کو چھوڑ کے حمد و ثنا تو لکھ شاعر
رہِ نجات ہے واللہ! بڑی عبادت ہے
Ghazal ko chor ke hamd o sana to likh shayar
Rah-e-nijaat hai wallah! bari ibaadat hai
یہ تیرے بندے پریشاں ہیں او رُسوا ہیں
معافی دے انہیں، ان کو بڑی خجالت ہے
Ye tere bande pareshan hain o ruswa hain
Mafi de inhein, in ko bari khajalat hai
بس ایک شعر ہی مولا، قبول ہوجائے
یہی تمنا، یہی دل میں میرے حسرت ہے
Bas aik sher hi maula, qubool hojaye
Yehi tamanna, yehi dil mein mere hasrat hai
خدا کا ذکر ہے افضل نبیﷺ نے فرمایا
خدا کے ذکر میں طاہرؔ سکوں ہے راحت ہے
Khuda ka zikr hai afzal Nabiﷺ ne farmaya
Khuda ke zikr mein Tahir sakoon hai raahat hai
Share This Naat
Share with friends and family
خدائے پاک کو زیبا ہر ایک عظمت ہے
طاہر سلطانی