نگاہیں رہ میں بچھا دو کہ آپؐ آئے ہیں
دلوں کو فرش بنا دو کہ آپؐ آئے ہیں
Nigahen raah mein bicha do ke aapؐ aaye hain
Dilon ko farsh bana do ke aapؐ aaye hain
ضمیر ارضِ مقدس سے آرہی تھی صدا
صنم کدوں کو گرا دو کہ آپؐ آئے ہیں
Zameer arz-e-muqaddas se aa rahi thi sada
Sanam kadon ko gira do ke aapؐ aaye hain
طلوعِ مہر رسالت ہے، آج باطل کے
سبھی چراغ بجھا دو کہ آپؐ آئے ہیں
Tulu-e-meher-e-risalat hai, aaj batil ke
Sabhi charagh bujha do ke aapؐ aaye hain
بُتانِ کعبہ ولادت کا سُن کے بول اُٹھے
سرِ نیاز جھکا دو کہ آپؐ آئے ہیں
Butan-e-Kaaba wiladat ka sun ke bol uthe
Sar-e-niyaz jhuka do ke aapؐ aaye hain
خدا نے آمدِ محبوبؐ کی خوشی میں کہا
فرشتو عرش سجا دو کہ آپؐ آئے ہیں
Khuda ne aamad-e-mehboobؐ ki khushi mein kaha
Farishto arsh saja do ke aapؐ aaye hain
ظہوریؔ قبر میں منکر نکیر یوں بولے
نبیؐ کی نعت سنا دو کہ آپؐ آئے ہیں
Zahooree qabar mein munkir nakeer yun bole
Nabiؐ ki naat suna do ke aapؐ aaye hain
Share This Naat
Share with friends and family
نگاہیں رہ میں بچھا دو کہ آپؐ آئے ہیں
محمد علی ظہوری