نہیں میں صاحبِ زر غم نہیں ہے
متاعِ حبِ سرور کم نہیں ہے
Nahi main sahib-e-zar gham nahi hai
Mataa-e-hubb-e-sarwar kam nahi hai
اگر خالی ہے دل حبِ نبی سے
ترا ایمان مستحکم نہیں ہے
Agar khaali hai dil hubb-e-nabi se
Tera imaan mustahkam nahi hai
شفیعِ حشر ہیں آقا ہمارے
ہمیں محشر کا کوئی غم نہیں ہے
Shafi-e-hashr hain aaqa hamare
Hamen mahshar ka koi gham nahi hai
تمنائے جہاں بانی کروں کیوں
غلامیِ شہِ دیں کم نہیں ہے
Tamnaye jahan baani karun kyun
Ghulami-e-sheh-e-deen kam nahi hai
ملی ہے ایسی افضلیت بشر کو
کوئی مثلِ بنی آدم نہیں ہے
Mili hai aisi afzaliyat bashar ko
Koi misl-e-bani aadam nahi hai
نہ کیوں نازاں ہوں ہم شہ کی عطا پر
عطائے سرورِ دیں کم نہیں ہے
Na kyun nazaan hun hum shah ki ataa par
Ataa-e-sarwar-e-deen kam nahi hai
ہے توہینِ نبی کا مرتکب جو
عدو ہے وہ مرا ہمدم نہیں ہے
Hai tauheen-e-nabi ka murtakib jo
Adu hai wo mera humdam nahi hai
بنایا امتی ہم کو نبی کا
کرم اللہ کا یہ کم نہیں ہے
Banaya ummati hum ko nabi ka
Karam Allah ka ye kam nahi hai
درِ آقا پہ دل ہے سر بسجدہ
جبینِ سر بھلے ہی خم نہیں ہے
Dar-e-aqa pe dil hai sar basajda
Jabeen-e-sar bhale hi kham nahi hai
نہ پوچھ احسؔن فضائے باغِ طیبہ
کہیں ایسا حسیں موسم نہیں ہے
Na pooch Ahsan faza-e-bagh-e-Taiba
Kahin aisa hasin mausam nahi hai
Share This Naat
Share with friends and family
نہیں میں صاحبِ زر غم نہیں ہے
احسن اعظمی