نذرِ محبوبِ خدا جانِ ابُو طالب ہے
ساری دُنیا پہ یہ احسانِ ابُو طالب ہے
Nazr-e mehboob-e khuda jaan-e Abu Talib hai
Saari duniya pe yeh ehsaan-e Abu Talib hai
اللہ اللہ ! عجب شانِ ابُو طالب ہے
حرمِ کعبہ، ادب دانِ ابُو طالب ہے
Allah Allah ! ajab shaan-e Abu Talib hai
Haram-e Kaaba, adab dan-e Abu Talib hai
مُصحفِ رُوئے محمدؐ ہے نظر میں ہر دَم
مرحبا، خوب یہ قرآنِ ابُو طالب ہے
Mushaf-e rooye Muhammad (SAW) hai nazar mein har dam
Marhaba, khoob yeh Qur’an-e Abu Talib hai
اِن کے آغوش کی زینت ہیں علی شیرِ خدا
نُورِ احمد، تہِ دامانِ ابُو طالب ہے
In ke aaghosh ki zeenat hain Ali Sher-e Khuda
Noor-e Ahmed, teh-e daaman-e Abu Talib hai
احترام اِن کا فرشتوں کی صفوں میں بھی ہُوا
جس کو دیکھو، وہ ثنا خوانِ ابُو طالب ہے
Ehteram inka farishton ki safon mein bhi hua
Jis ko dekho, woh sana khuwan-e Abu Talib hai
مُرتضیٰ ہوں کہ ہوں سبطین ، سبھی پیارے ہیں
ہر کِرن ، شمعِ شبستانِ ابُو طالب ہے
Murtaza hoon ke hoon sabtain, sabhi pyare hain
Har kirin, shama-e shabastaan-e Abu Talib hai
اُلفتِ پنج تنِ پاک نے بخشا یہ شرف
آج کل دل مِرا مہمانِ ابُو طالب ہے
Ulfat-e Panj tan-e Paak ne bakhsha yeh sharaf
Aaj kal dil mera mehmaan-e Abu Talib hai
چشمِ بیدار مِلی ، معرفت آگاہ نظر
درسِ حق ، خُطبہء عرفانِ ابُو طالب ہے
Chashm-e bedar mili, maarfat aaghaah nazar
Dars-e Haq, khutbah-e irfaan-e Abu Talib hai
مَیں دل و جاں سے ہُوں مدّاح ، ابُو طالب کا
جو نَفَس ہے ، وہی قُربانِ ابُو طالب ہے
Main dil o jaan se hoon madah, Abu Talib ka
Jo nafas hai, wohi qurbaan-e Abu Talib hai
ہر گُلِ تر پہ نچھاور ہیں فلک کے تارے
پُر بہار ایسا ، گُلستانِ ابُو طالب ہے
Har gul-e tar pe nichhavar hain falak ke taare
Pur bahaar aisa, gulistaan-e Abu Talib hai
قابلِ رشک ہیں انداز ابُو طالب کے
حق کا عرفان ہی وجدانِ ابُو طالب ہے
Qabil-e rashk hain andaaz Abu Talib ke
Haq ka irfaan hi wajdaan-e Abu Talib hai
مَیں کہوں گا کہ ہے محروم بڑی نعمت سے
جو کوئی دستِ کشِ خوانِ ابُو طالب ہے
Main kahun ga ke hai mehroom bari naimat se
Jo koi dast-e kash-e khawan-e Abu Talib hai
بعد تحقیقِ احادیث و روایات، نصیؔر !
میرا دل قائلِ ایمانِ ابُو طالب ہے
Ba'ad tahqeeq-e ahaadees o riwayat, Naseer!
Mera dil qail-e imaan-e Abu Talib hai
Share This Naat
Share with friends and family
نذرِ محبوبِ خدا جانِ ابُو طالب ہے
سید نصیرالدیں نصیر